پاکستان کے 12 ایتھلیٹس کو انٹرنیشنل اولمپک کمیٹی سالیڈیریٹی نے اسکالر شپ دینے کا اعلان کیا ہے۔
آئی او سی نے سمر اولمپکس گیمز پیرس کی تیاریوں کے سلسلے میں پاکستان کے 12 کھلاڑیوں کو اسکالرشپ دینے کا فیصلہ کیا ہے۔
رپورٹ کے مطابق اسکالرشپ حاصل کرنے والوں میں جیولین تھرور ارشد ندیم، خاتون بیڈمنٹن پلیئر ماحور شہزاد و دیگر شامل ہیں۔
اسکالر شپ کے لیے سوئمنگ، ویٹ لفٹنگ، ریسلنگ، ٹیبل ٹینس اور شوٹنگ کے کھلاڑی بھی حقدار قرار پائے ہیں۔
آئی او سی کے اسکالر شپ پروگرام کے تحت ایتھلیٹس کو تیاریوں کے سلسلے میں بہترین سہولیات مہیا کی جائیں گی۔
اولمپکس کی تیاری کے لیے ہر ایتھلیٹ کو 650 ڈالر (آج کے حساب سے1لاکھ 21 ہزار 582 روپے) ماہانہ دیے جائیں گے۔
یہ بھی پڑھیں: اخوت کے بانی ڈاکٹر امجد ثاقب امن کے نوبل انعام کیلئے نامزد