گوگل نیوز پر ہمیں فالو کریںکراچی میں کھیلے جارہے دوسرے اور آخری ٹیسٹ میچ میں نیوزی لینڈ کے 449 رنز کے جواب میں پاکستانی بیٹنگ لائن حسب روایت ایک بار پھر لڑ کھڑا گئی ہے۔
کراچی ہونے والے دوسرے اور آخری ٹیسٹ میچ کے دوسرے روز نیوزی لینڈ کی ٹیم پہلی اننگز میں 449 رنز بناکر آل آؤٹ ہوئی، جواب میں پاکستان ٹیم نے 3 وکٹوں کے نقصان پر 154 رنز بنائے ہیں۔
پاکستان کی جانب سے اننگز کا آغاز عبداللہ شفیق اور امام الحق نے کیا۔ پاکستان کو پہلا نقصان 27 کے مجموعی اسکور پر ہوا، جب عبداللہ شفیق 19 رنز بناکر آؤٹ ہوگئے۔شان مسعود 20 رنز بناکر آؤٹ ہو گئے جبکہ کپتان بابر اعظم 24 رنز بناکر پویلین لوٹ گئے۔
واضح رہے کہ نیوزی لینڈ نے دوسرے روز کا آغاز 309 رنز 6 وکٹوں پر کیا لیکن ایش سوڈھی شروعات میں ہی 11 رنز پر نسیم شاہ کی گیند پر بولڈ ہوگئے۔ ٹام بلنڈل 51 رنز بنا کر آؤٹ ہوئے۔ کپتان ٹم ساؤتھی 10 رنز بنا کر آؤٹ ہوئے۔
میٹ ہینری اور اعجاز پٹیل نے دسویں وکٹ پر 100 رنز کی پارٹنر شپ مکمل کی جس کے بعد اعجاز پٹیل کو ابرار احمد نے آؤٹ کیا۔
پہلے سیشن میں نیوزی لینڈ کی ٹیم کے بلے بازنے 119 رنز بنائے تھے تاہم کھانے کے وقفے کے بعد ٹام لیتھم 71 رنز بنا کر نسیم شاہ کی گیند پر ایل بی ڈبلیو ہوگئے۔
مزید پڑھیں:کراچی ٹیسٹ کا دوسرا روز، نیوزی لینڈ کی ٹیم پہلی اننگز میں 449 رنز بناکر آؤٹ
کھانے کے وقفے سے قبل پاکستان نے اپنے تمام پانچ بولرز کو آزمایہ تھا تاہم کوئی بھی بولر وکٹ حاصل کرنے میں کامیاب نہ ہوسکا تھا۔
