گوگل نیوز پر ہمیں فالو کریںکراچی : سندھ بلڈنگ کنٹرول اتھارٹی میں ”ادارتی کرپٹ مافیا“ نے اپنی کرپشن کے لیے شہر کو کنکریٹ کے جنگل میں تبدیل کرنے کی کاروائیاں جاری رکھی ہوئی ہیں۔ سپریم کورٹ کے سخت ترین احکامات کے باوجود شہر میں جاری غیرقانونی تعمیرات کے بے قابو”جن“کو بوتل میں بند نہیں کیا جاسکا۔
اس حوالے سے سندھ بلڈنگ کنٹرول اتھارٹی کے باوثوق اندرونی ذرائع نے ”ایم ایم نیوز“ کو انکشاف کرتے ہوئے بتایا کہ شہر کے مختلف زونز جن میں قابل زکر ”لیاری زون، جمشید زون، گلبرگ زون،گلشن زون، گلستان جوہر زون، لیاقت آباد زون، صدر زون، نیوکراچی زون‘‘اسوقت غیرقانی تعمیرات اور تعمیراتی مافیاکے مرکز ہیں۔
سپریم کورٹ کراچی رجسٹری میں کراچی بدامنی کیس از خود نوٹس کے حکم نامے کے جاریکردہ فیصلے میں یہ بات شامل ہے کہ کراچی میں جاری غیر قانونی تعمیرات کو نہ صرف فوری طور پر روکا جائے بلکہ گزشتہ 10 سالہ تعمیرات کا مکمل ریکارڈ معزز عدالت نے ایس بی سی اے سے طلب کر رکھا ہے، نیز خلاف ضابطہ تعمیرات کو روکنے اور توڑنے کے سخت ترین قانونی احکامات جاری کئے، اس کے باوجود لیاقت آباد زون میں ان پلاٹس پر غیر قانونی تعمیرات کی جارہی ہیں ۔
پلاٹ نمبر 17/1 اور 17/ 25E ناظم آباد گراونڈ پلس 4 باہر سے کام مکمل ہے اندر سے فنشنگ کا کام تیزی سے جاری ہے،مالک و بلڈر عمران نامی شخص ہے۔ ناظم آباد نزد فضل منزل پلاٹ نمبر 10/10، بلاک 3G، ناظم آبادنمبر 3، لیاقت آباد زون، کراچی پر بغیر نقشے کی منظوری کے تعمیرات شروع کررکھی ہیں۔
پلاٹ نمبر 16/4، بلاک 3-B، ناظم آبادنمبر 3، لیاقت آباد زون، کراچی پر خلاف ضابطہ اور غیرقانونی طور پر (G+3) کی تعمیرات جاری ہیں،ادھر 10/14، بلاک 3D، ناظم آبادنمبر 3، لیاقت آبادزون، کراچی، پلاٹ نمبر 14/2، بلاک 3D، ناظم آبادنمبر 3، لیاقت آباد زون، کراچی، پلاٹ نمبر 17/3، بلاک 3D، ناظم آبادنمبر 3، لیاقت آباد زون، کراچی، پلاٹ نمبر 7/7، بلاک 3D، ناظم آبادنمبر 3، لیاقت آباد زون، کراچی پلاٹ نمبروں پر غیر قانونی تعمیرات جاری ہے۔
لیاقت آباد میں پلاٹ نمبر1/240, L.Tپر غیر قانونی طور پر چار منزلہ عمارت تعمیر کی جارہی ہے، پلاٹ نمبر2/855,پر غیر قانونی طور پر تیسرا اور چوتھا فلور ڈالا جارہاہے۔پلاٹ نمبر2/630پر غیر قانونی طور پر دکانیں ڈالی جارہی ہیں اور تین منزلہ عمار ت تعمیر کی جارہی ہے۔پلاٹ نمبر2/425پر غیر قانونی طور پرتیسری منزل ڈالی جارہی ہے اور دکانیں رہائشی پلاٹ پر تعمیر کی جارہی ہیں۔
مزید پڑھیں: ادارۂ ترقیات کراچی میں کھل کر بدعنوانی شروع، پارکنگ کی جگہ پر تعمیرات جاری
