آئی سی سی نے ون ڈے رینکنگ جاری کردی، قومی ٹیم کا چھٹا نمبر

دبئی:آئی سی سی نے ون ڈے رینکنگ جاری کردی،جس کے مطابق قومی ٹیم چھٹی پوزیشن پر موجود ہے۔آئی سی سی ون ڈے رینکنگ کے مطابق قومی ٹیم چھٹی پوزیشن پر موجود ہے۔

نیوزی لینڈ نے انگلینڈ کو پیچھے دھکیل کر پہلی پوزیشن حاصل کرلی، رینکنگ کے مطابق نیوزی لینڈ پہلے، آسٹریلیا دوسرے، بھارت تیسرے، انگلینڈ چوتھے اور جنوبی افریقا پانچویں نمبر پر ہے۔

واضح رہے کہ گزشتہ ماہ انٹرنیشنل کرکٹ کونسل (آئی سی سی) نے ٹی 20 کی نئی رینکنگ جاری کی تھی،جس کے مطابق قومی کرکٹ ٹیم کے کپتان ایک درجہ تنزلی کے بعد چوتھے نمبر پر چلے گئے تھے۔

گزشتہ ماہ آئی سی سی کی جانب سے جاری ہونے ٹی ٹوئنٹی رینکنگ کے مطابق پاکستان کے فاسٹ بالر شاہین شاہ آفریدی کی13ویں پوزیشن ہیں۔ عماد وسیم کا 19واں نمبر ہے۔ فہیم اشرف21 اور شاداب خان 22ویں نمبر پر موجود ہیں۔

ٹاپ بلے باز میں انگلینڈ کے ڈیوڈ ملان کا پہلا نمبر برقرار ہے۔ آسٹریلیا کے ایرون فنچ2 درجہ ترقی کے بعد دوسرے نمبر پر آگئے ہیں۔باؤلرز میں افغانستان کے راشد خان کا پہلا اور جنوبی افریقا کے تبریز شمسی کا دوسرا نمبر برقرار ہے۔

مزید پڑھیں: آئی سی سی ٹی ٹوئنٹی رینکنگ جاری، بابراعظم کی ایک درجہ تنزلی