کراچی: پاکستان حب ریلی کا ساتواں ایڈیشن 19جنوری 2020 سے حب میں سجے گا جس میں ملک کے صف اول کے ڈرائیور ایکشن میں نظر آئیں گے، 18جنوری کو ڈرائیور ٹریک کا جائزہ لیں گے ، اور19 جنوری کو مقابلے ہوں گے۔
پاکستان کی سب سے مقبول حب ریلی کراس کا انعقاد باقاعدگی سے ہر سال کیا جاتا ہے، پہلے یہ ریس 10کلومیٹر پر مشتمل ہوا کرتی تھی تاہم اب حب ریلی کے ٹریک کو بڑھا کر 20کلو میٹر تک کردیا گیا ہے۔
20 کلومیٹر پر مشتمل ٹریک پاکستان کا سب سے چھوٹا ٹریک ہے لیکن خطرناک موڑ ، پتھریلے ،ریتیلے اور دشوار گزار راستوں کی وجہ سے ڈرائیورز کیلئے حب ریلی کا ٹریک سب سے دلچسپ ہوتا ہے۔
یہاں پر رفتار اور توازن کو برقرار رکھنا ڈرائیورز کیلئےسب سے بڑا چیلنج ہوتا ہے ، یہ وجہ کہ حب ریلی کیلئے ڈرائیور سالہ سال انتظار کرتے ہیں، اسٹاک کیٹگری میں شریک ڈرائیورز کی ریس صرف ایک لیپ پر مشتمل ہوگی۔
پریپیڈ کیٹگری کے ڈرائیورز کو ریس میں دو لیپ مکمل کرنا ہوں گے ، اگر کسی کیٹگری میں 4سے کم انٹریز ہوں گی تو وہ انٹری اگلی کیٹگری میں ضم یوجائے گی،خواتین کیٹگری میں 7سے 8انٹری ہوں گی جبکہ مردڈرائیورز 50کے قریب ہوں گے۔
یہ بھی پڑھیں: سعودی عرب میں ہونیوالی پہلی سائیکل ریس مقامی خاتون نے جیت لی