گوگل نیوز پر ہمیں فالو کریںورلڈکپ اسکواڈ میں شامل فاسٹ بولر حسن علی نے کہا ہے کہ انہیں ورلڈکپ کیلئے بھارت جانے والے قومی اسکواڈ میں شامل ہونے کی بے حد خوشی ہے۔
حسن علی نے بابر اعظم سے متعلق بات کرتے ہوئے کہا کہ بابراپنے کھلاڑیوں کو سپورٹ کرتا ہے، یہی ان کی سب سے بہترین خوبی ہے، بابر اپنے بیٹ اور کپتانی دونوں سے بہترین ہونے کا ثبوت دیتا ہے۔
قومی ٹیم کے فاسٹ بولر حسن علی نے کہا ہے کہ کسی بھی کھلاڑی کو اس وقت بے حد خوشی محسوس ہوتی ہے جب وہ میگا ایونٹس میں اپنی ٹیم کی نمائندگی کررہا ہو، یہ ایک منفرد احساس ہے جس کیلئے میری خواہش ہے کہ میں اپنے شائقین کی امیدوں پر پورا اتروں۔
حسن علی نے مزید کہا کہ باہر بیٹھ کر فیصلہ سنانے اور تنقید کرنے والوں کو گراؤنڈ کی صورتحال کا اندازہ نہیں ہوسکتا،گراؤنڈ میں اصل احساس ایک کھلاڑی کو ہوتا ہے۔
مزید پڑھیں:’وہاب ریاض کا اہم اعلان‘
انہوں نے کہا کہ مجھے بھارت جاکر کرکٹ کھیلنے کی خوشی ہے اور سسرال میں وکٹیں حاصل کرکے جنریٹر بھی چلانا چاہتا ہوں، ا سکواڈ میں منتخب کیے جانے کے بعد سے ہی مجھے کئی میسیجز آچکے ہیں اور کہا جارہا ہے کہ ورلڈکپ کیلئے سسرال جاؤں گا تو مجھ پر ڈبل پریشر ہوگا۔
