گوگل نیوز پر ہمیں فالو کریںاسلام آباد :وزیراعظم کی معاون خصوصی برائے اطلاعات و نشریات ڈاکٹر فردوس عاشق اعوان نے کہاہے کہ (ن )لیگیوں کوسیاست کرنی ہو تو حکومت جعلی، لیکن مفاد میں ہو توحکومت اصلی۔
ٹوئٹر پراپنے بیان میں ڈاکٹر فردوس عاشق اعوان نے کہاکہ کسی بھی سزا یافتہ کا محض تیمار داری کی غرض سے بیرون ملک جانا قانون کے ساتھ کھلواڑ کرنے کے مترادف ہے ۔
ن لیگیوں کوسیاست کرنی ہو تو حکومت جعلی، لیکن مفاد میں ہو توحکومت اصلی۔کسی بھی سزا یافتہ کا محض تیمار داری کی غرض سے بیرون ملک جانا قانون کے ساتھ کھلواڑ کرنے کے مترادف ہے ۔ پاکستان کی جیلوں میں قید باقی قیدی سوچتے ہیں کہ ان کے ساتھ امتیازی سلوک کیوں؟
— Firdous Ashiq Awan (@Dr_FirdousPTI) December 9, 2019
ڈاکٹر فردوس عاشق اعوان نے کہاکہ پاکستان کی جیلوں میں قید باقی قیدی سوچتے ہیں کہ ان کے ساتھ امتیازی سلوک کیوں؟ ۔انہوںنے کہاکہ وزیر اعظم عمران خان ملک میں قانون کے یکساں اطلاق کی جدوجہد کا علم اٹھائے ہوئے ہیں۔
مریم نواز کا بیرون ملک جانے کیلئے عدالت سے رجوع باعثِ تعجب ہے ۔
— Firdous Ashiq Awan (@Dr_FirdousPTI) December 9, 2019
انہوں نے کہاکہ میاں صاحب کی تیمار داری کیلئے بیرون ملک چھوٹے میاں صاحب ،دو مفرور بیٹے ،صاحبزادی،سمدھی ، نواسے ،نواسیاں اور ٹی ٹی مافیا بھتیجے پہلے سے ہی موجود ہیں۔ ڈاکٹر فردوس عاشق اعوان نے کہاکہ مریم نواز کا بیرون ملک جانے کیلئے عدالت سے رجوع باعثِ تعجب ہے۔
یہ بھی پڑھیں:الیکشن کمشنر سمیت دیگر معاملات میں قانون سازی کاحصہ نہیں بنیں گے، خواجہ آصف
