گوگل نیوز پر ہمیں فالو کریںسیالکوٹ: وزیرِ اعلیٰ پنجاب کی معاونِ خصوصی برائے اطلاعات نشریات ڈاکٹر فردوس عاشق اعوان نے کہا ہے کہ ن لیگ کی قیادت پاکستان کو کمزور کرنے کی سازش میں ملوث ہے جس نے پی پی پی کی پیٹھ میں چھرا گھونپ دیا۔
تفصیلات کے مطابق معاونِ خصوصی فردوس عاشق اعوان نے پریس کانفرنس میں میڈیا نمائندگان سے گفتگو کرتے ہوئے کہا کہ مودی حکومت کی سازشوں میں ن لیگ بھی شراکت دار بن گئی، سیاسی اختلافات کو ملک دشمنی سے جوڑا جارہا ہے۔
گفتگو کے دوران معاونِ خصوصی فردوس عاشق اعوان نے کہا کہ ن لیگ نے پی پی پی کی پیٹھ میں چھرا گھونپ دیا جو ملک سے باہر بیٹھ کر قومی سلامتی کے اداروں پر توپیں چلا رہے ہیں۔ ن لیگ کے نزدیک جمہوریت کا مطلب اقتدار کے حصول کے سوا کچھ نہیں۔
معاونِ خصوصی فردوس عاشق اعوان نے کہا کہ پاکستان حشر تک قائم و دائم رہے گا جس کے 22 کروڑ شہری ملک کی قومی سلامتی کے امین ہیں۔ ن لیگ کی اداروں کے خلاف کھلم کھلا بیان بازی ان کی اپنی صفوں میں انتشار کا مظہر ہے۔
ڈاکٹر فردوس عاشق اعوان نے کہا کہ ن لیگ سیاسی جماعت کی بجائے ایک شاہی خاندان کے غلاموں کی انجمن نظر آتی ہے جو ڈرامے بازی سے عوام کو نسل در نسل بے وقوف بناتے رہے۔ اب عوام ن لیگیوں کے ہاتھوں مزید بے وقوف نہیں بنیں گے۔
یہ بھی پڑھیں: چیئرمین سینیٹ کا انتخاب، مسترد ووٹ ڈالنے والے 7 سینیٹرز سامنے آگئے
