گوگل نیوز پر ہمیں فالو کریںاسلام آباد: وفاقی کابینہ نے مہنگائی کے ستائے عوام کو ریلیف فراہم کرنے کے لیے 15 ارب روپے کے ریلیف پیکج کی منظوری دے دی جس کے بعد یوٹیلٹی اسٹورز پر اشیائے خوردونوش مارکیٹ سے 10 سے 25 فیصد کم ریٹ پر ملیں گے۔
وزیراعظم عمران خان کی زیرصدارت وفاقی کابینہ کا اجلاس ہواجس میں مہنگائی سے پریشان عوام کو ریلیف فراہم کرنے کے لیے 15 ارب ریلیف پیکج کی منظوری دے دی گئی جس کے بعد یوٹیلٹی اسٹورز پر آٹا، گھی، دالیں، چینی اور چاول مارکیٹ سے 10 سے 25 فیصد کم ریٹ پر ملیں گے۔
تاہم وزیر دفاع پرویز خٹک، وزیر سائنس و ٹیکنالوجی فواد چوہدری، وزیر برائے کشمیر و گلگت بلتستان امور علی امین گنڈا پور سمیت کئی وزراء نے یوٹیلٹی اسٹورز پیکج کی مخالفت کرتےہوئے کہا کہ یوٹیلٹی اسٹورز کو اربوں روپے دینے کے بجائے پیٹرول اور ڈیزل کی قیمتیں کم کی جائیں۔
اجلا س میں وزیراعظم عمران خان نے ای سی سی کے چینی کی درآمد کے فیصلے کو منسوخ کردیا، وزیراعظم کا کہناتھا کہ چینی کے معاملے پر عوام کو پریشان نہیں ہونے دوں گا۔
یہ بھی پڑھیں: ہماری اولین ترجیح عوام، خصوصاً غریب اور تنخواہ دار طبقہ ہے، وزیراعظم
