لاہور: فاسٹ باولر اعزاز چیمہ نے فرسٹ کلاس سے بھی ریٹائر منٹ کا اعلان کردیا ہے جبکہ پاکستان کرکٹ ٹیم کے بولنگ کوچ وقار یونس نے اعزاز چیمہ کو چیمپئن قرار دے دیا۔
اعزاز چیمہ نے دو روز قبل قائداعظم ٹرافی کے اختتام کے موقع پر فرسٹ کلاس کرکٹ سے ریٹائرمنٹ کا اعلان کیا تھا۔
پاکستان کرکٹ ٹیم کے بولنگ کوچ وقار یونس نے سماجی رابطے کی ویب سائٹ ٹوئٹر پر اعزاز چیمہ کے لیے اپنے پیغام میں کہا کہ اعزاز چیمہ ایک چیمپئن پروفیشنل ہیں۔
انہوں نے کہا کہ شاندار کیریئر پر اعزاز چیمہ کو مبارکباد دیتا ہوں، اعزاز چیمہ پر مجھے فخر ہے۔ اعزاز چیمہ نے قائد اعظم ٹرافی میں سینٹرل پنجاب کی نمائندگی کی، جس نے دو روز قبل کراچی میں فائنل میں ناردرن کو شکست دے کر ٹائٹل اپنے نام کیا۔
مزید پڑھیں: بھارتی اداکارہ ایس دیوی نے اپنے سابق بوائے فرینڈ کو ہتھوڑے مارمارکرقتل کردیا