گوگل نیوز پر ہمیں فالو کریںپاکستانی شوبز انڈسٹری کی مشہور و معروف اداکارہ منال خان اور احسن محسن اکرام کی ڈھولکی کا دعوت نامہ سوشل میڈیا پر شیئر کردیا گیا ہے۔
تفصیلات کے مطابق رواں ہفتے ہی فنکار جوڑا شادی کے بندھن میں بندھنے والا ہے جس سے قبل ڈھولکی کی تقریب رکھی گئی ہے۔ گزشتہ ہفتے منال اور احسن محسن اکرام نے اپنے سوشل میڈیا اکاؤنٹس سے الگ الگ شادی کا دعوت نامہ مداحوں تک پہنچایا۔
دعوت نامے کے مطابق نکاح کی تقریب آج سے 3 روز بعد 10 ستمبر کو منعقد ہوگی جس کے بعد ویڈنگ رسیپشن ہوگا۔ شب 7 بجے نکاح کے بعد شادی میں شریک مہمانوں کو رات 8 بجے کھانا کھلایا جائے گا۔
معروف اداکار احسن محسن اکرام نے شادی سے قبل ڈھولکی کی تقریب کیلئے مختلف خوبصورت رنگوں سے سجا دعوت نامہ سوشل میڈیا پر شیئر کیا ہے جو آج 7 ستمبر کو ہوگی جبکہ بدھ کے روز مایوں کی تقریب بھی رکھی گئی ہے۔
رواں برس جون کے دوران منال اور احسن محسن اکرام کی منگنی ہوئی تھی جس کے بعد مئی میں بات پکی ہوگئی۔ دونوں فنکاروں کی مختلف مواقع پر ایک ساتھ تصاویر مسلسل سوشل میڈیا کی زینت بنتی رہی ہیں جس پر عوام نے تنقید بھی کی۔
خیال رہے کہ اِس سے قبل معروف اداکارہ منال خان اور احسن محسن اکرام نے قبل از منگنی پارٹی کی جس کی ویڈیو سوشل میڈیا پر وائرل ہوگئی، پارٹی میں شراب کی بوتل دیکھ کر مداحوں نے شدید برہمی کا اظہار اور لعن طعن بھی کی۔
پارٹی کی مختصر ویڈیو میں احسن محسن اکرام شیمپین کی بوتل ہاتھ میں لے کر اس کا فوارہ بناتے نظر آئے جس پر سوشل میڈیا صارفین نے برہمی کا اظہار کرتے ہوئے فنکار جوڑے کو شریعت کے احکامات سے آگہی دینا شروع کردی۔
مزید پڑھیں: احسن محسن اور منال کی پارٹی کی ویڈیو وائرل، مداح برہم
