دُنیا بھر میں کورونا سے 38کروڑ 30لاکھ افراد متاثر، 57لاکھ 8ہزار ہلاک

جنیوا:  دُنیا بھر میں کورونا سے 38 کروڑ 30 لاکھ افراد متاثر ہوئے ہیں جبکہ وائرس کے باعث 57لاکھ 8 ہزار سے زائد افراد ہلاک ہو گئے۔

تفصیلات کے مطابق دُنیا کے 200سے زائد ممالک اور خطوں میں کورونا سے مجموعی طور پر 38 کروڑ30لاکھ 79 ہزار551 افراد متاثر ہوئے جبکہ وائرس کا شکار 57 لاکھ 8 ہزار539 افراد جان کی بازی ہار گئے۔

یہ بھی پڑھیں:

کورونا کا پھیلاؤ، ملک کے بڑے شہروں میں تعلیم متاثر، جامعات بند کردی گئیں

کورونا کا خوف، نیوزی لینڈ کی وزیر اعظم جیسنڈا آرڈن کی شادی منسوخ

وائرس سے متاثرہ 92 ہزار 337افراد کی حالت تشویشناک ہے جبکہ دنیا بھر میں کورونا کے فعال کیسز کی تعداد 7 کروڑ 38لاکھ 60 ہزار798ہو گئی۔ وائرس کے7 کروڑ 37لاکھ 68 ہزار461مریضوں کو معمولی تکالیف کا سامنا ہے۔

دُنیا بھر میں 30کروڑ 35 لاکھ 10ہزار214 افراد کورونا سے صحتیاب ہوگئے۔سب سے زیادہ 7 کروڑ 65لاکھ 19ہزار190افراد امریکا میں جبکہ 4 کروڑ 16لاکھ 30ہزار 885 افراد بھارت میں وائرس کا شکار ہوئے جبکہ کورونا سے تیسرے نمبر پر سب سے زیادہ متاثر ملک برازیل ہے۔ 

امریکا میں کورونا کے باعث 9لاکھ 13 ہزار960افراد ہلاک ہوئے جبکہ بھارت میں وائرس کا شکار4 لاکھ 97ہزار996شہری انتقال کر گئے۔ برازیل میں کورونا سے 2 کروڑ56 لاکھ25 ہزار133افراد متاثر جبکہ 6 لاکھ 28ہزار132لقمۂ اجل بن گئے۔

کورونا سے سب سے زیادہ متاثر ہونے والے ممالک میں امریکا پہلے، بھارت دوسرے، برازیل تیسرے، فرانس چوتھے، برطانیہ پانچویں، روس چھٹے، ترکی 7ویں، اٹلی 8ویں، جرمنی 9ویں جبکہ اسپین 10ویں نمبر پر موجود ہے۔

قبل ازیں دنیا بھر میں کورونا سے 1 لاکھ ہلاکتیں 79 دنوں میں جبکہ 10 لاکھ ہلاکتیں 235 روز میں ہوئیں۔اموات کی تعداد 10 سے 20 لاکھ تک پہنچنے میں 118 مزید دن لگے۔اگلی 10لاکھ ہلاکتیں 91 جبکہ 40 لاکھ ہلاکتیں 523 دن میں ہوئیں۔