گوگل نیوز پر ہمیں فالو کریںکراچی : سوشل میڈیا پر بدھ کی شب وائرل ہونے والی ایک ویڈیو نے ہنگامہ مچایا ہوا ہے جس میں ایک خاتون خود کو کرنل کی بیوی ظاہر کرتے ہوئے پولیس اہلکاروں سے بدتمیزی کرتی دکھائی دے رہی ہے۔
سوشل میڈیا پر گزشتہ شب سے ’’کرنل کی بیوی‘‘ ہیش ٹیگ ٹاپ ٹرینڈ کررہا ہے یا یوں کہیں کہ ’’کرنل کی بیوی‘‘ نے پاکستانی سوشل میڈیا پر ہنگامہ مچادیا ہے۔ دراصل گزشتہ روز ٹوئٹر پر ایک خاتون کی ویڈیو وائرل ہوئی جو دیکھتے ہی دیکھتے ٹاپ ٹرینڈ بن گئی۔
ویڈیو میں خاتون ہزارہ موٹروے چیک پوسٹ پر پولیس کے ساتھ نہ صرف بدتمیزی کررہی ہے بلکہ نامناسب الفاظوں کا استعمال کرتے ہوئے نہایت دیدہ دلیری سے قانون توڑتی ہوئی اپنی گاڑی وہاں سے بھگاتی ہوئی لے جاتی ہے۔ ویڈیو میں دیکھا جاسکتا ہے کہ خاتون اپنی کار میں ایک شخص کے ساتھ بیٹھی ہوئی ہے جب کہ آس پاس دیگر گاڑیاں بھی سڑک پر ناکہ لگا ہونے کی وجہ سے کھڑی ہیں۔
خاتون ایک اہلکار سے رکاوٹیں ہٹانے کے لیے کہتی ہے جس پر اہلکار کہتا ہےجب اجازت ملے گی اس وقت راستہ کلیئر ہوگا جس پر خاتون کہتی ہے میں آرمی آفیسر کی بیوی ہوں کوئی معمولی بات نہیں ہے اس کے بعد خاتون نائب صوبیدار کے لیے انتہائی نامناسب لفظ استعمال کرتے ہوئے کہتی ہے میں’’کرنل کی بیوی‘‘ہوں اور دوبارہ نائب صوبیدار کو گالی دیتی ہے اور کہتی ہے میں اس کی وردی اتروادوں گی۔
تاہم پولیس کی جانب سے گاڑی کو آگے جانے کی اجازت نہ ملنے پر خاتون گاڑی سے باہر آکر پولیس اہلکاروں سے بدتمیزی کرنے لگتی ہےاور قانون توڑتے ہوئے زبردستی سڑک پر موجود رکاوٹیں ہٹادیتی ہے۔ اس دوران دیکھا جاسکتا ہے کہ پولیس اہلکار خاتون سے نہایت آرام سے بات کرتے ہوئے اسے سمجھانے کی بھی کوشش کرتا ہے کہ وردی کی بےعزتی ہورہی ہے سب کے سامنے لیکن خاتون کچھ بھی سمجھنے کو تیار نہیں تھی۔
ویڈیو میں خاتون کو پولیس اہلکاروں پر چلاتے ہوئے بھی دیکھاجاسکتاہے جب کہ خاتون مسلسل کہہ رہی ہے ایک صوبیدار کی کیا اوقات ہے میرے آگے میں کرنل کی بیوی ہوں۔ ایک موقع پر خاتون گاڑی میں موجود شخص کو کہتی ہوئی نظر آرہی ہے کہ گاڑی پولیس والے پر چڑھادو اور پولیس اہلکار کو دھکا دینے کی دھمکی بھی دے رہی ہے۔ بعد ازاں پولیس اہلکاروں کے ساتھ بدتمیزی کرنے اور ان پر چلانے کے بعد خاتون زبردستی رکاوٹیں ہٹاکر وہاں سے چلی جاتی ہے۔
سوشل میڈیا صارفین کی جانب سے اس ویڈیو پر شدید ردعمل کا اظہار کیا جارہا ہے اور لوگ پولیس اہلکار سے بدتمیزی کرنے اور گالیاں دینے پر خاتون کے رویے کو شرمناک قرار دے رہے ہیں جب کہ کچھ لوگ خاتون کے شوہر کو اس واقعے کے لیے جوابدہ ہونے کا مطالبہ کررہے ہیں۔
واضح رہے کہ چیف آرمی اسٹاف جنرل قمر جاوید باجوہ نے واقعہ کا نوٹس لے کر لیفٹیننٹ کرنل اور اس کی بیوی کے خلاف کاروائی کا حکم دے دیا ہے۔
ھزارہ موٹروے پہ خاتون کا پولیس کے ساتھ نازیبا رویہ۔اس ملک کا قانون صرف غریب کے لیۓ ہے
میں ایک کرنل کی بیوی ہوں, میری بات الگ ہے, ہٹو, تمہارے صوبیدار کتے کے_____ کی ایسی کی تیسی.
یہ ملک اگر ان لوگوں کا ھی ھے تو باقی سویلین عوام کو کسی جگہ ھجرت کروادیں،کم از کم ان لوگوں کےھاتھوں pic.twitter.com/w0TveFT9wk— صحرانورد (@Aadiiroy) May 20, 2020
Today on 27 Ramadan we got independence.But what type of independence it was?This colonel wife make me again feel that we are still slaves in our country. I truly support law abiding police officer .Hats off to you sir!!!!
#کرنل_کی_بیوی#ColonelKiBiwi pic.twitter.com/oLVpdkL6Lh— Jazbia Abbasi (@Jazbia_Abbasi) May 21, 2020
The Lady crossed all limits and the Policeman did wonderful job. It is apparent from video that she wanted to drive over him.
Let she learn a lesson through maximum punishment, and this duty bound police man must be rewarded#ColonelKiBiwi pic.twitter.com/zYAKOgZx2x— Abdul Qadeer Ansari (@ansariabdulqad3) May 21, 2020
