گوگل نیوز پر ہمیں فالو کریںکراچی: سندھ حکومت کی جانب سے 8 ربیع الاول 15 اکتوبرکو چُپ تعزیہ کے جلوسوں کے پیش نظر ایک دن کے لیے موٹر سائیکل کی ڈبل سواری پر پابندی عائد کر دی گئی۔
محکمہ داخلہ سندھ کے جاری کردہ نوٹیفکیشن کے مطابق کراچی سمیت صوبے کے سات بڑے شہروں حیدرآباد، میر پورخاص، سکھر، خیرپور، شہید بے نظیر آباد اور لاڑکانہ میں 8 ربیع الاول 15 اکتوبرکو ایک روز کے لیے ڈبل سواری پر پابندی نافذ کی گئی ہے۔
نوٹیفکیشن کے مطابق امن و امان کی صورتحال کو برقرار رکھنے کے لیے قانون نافذ کرنے والے اداروں کی سفارش پر موٹر سائیکل کی ڈبل سواری پر پابندی عائد کی گئی ہے۔
نوٹی فکیشن میں کہا گیا ہے کہ خواتین، بچوں، معمر حضرات اور صحافیوں کو پابندی سے استثنیٰ حاصل ہوگا۔محکمہ داخلہ سندھ کے مطابق 15 اکتوبرکو سندھ کے مختلف شہروں میں چُپ تعزیے کے جلوس نکالے جائیں گے۔
مزید پڑھیں: دفعہ 144 نافذ،کراچی میں موٹرسائیکل کی ڈبل سواری پھربند
