ٹک ٹاکرکنول آفتاب اور ذوالقرنین کے گھر جلد ننھے مہمان کی آمد متوقع

ٹک ٹاک کی مشہور ومعروف جوڑی کنول آفتاب اور چوہدری ذوالقرنین کے گھر جلد ننھے مہمان کی آمد متوقع ہے۔

حال ہی میں فوٹو اینڈ ویڈیو شیئرنگ ایپ انسٹاگرام پر ٹک ٹاک اسٹار ذوالقرنین نے کنول آفتاب کے ہمراہ ایک خوبصورت تصویر شیئر کی، جس پر انہوں نے کیپشن میں لکھا کہ وہ اور کنول آفتاب بہت جلد والدین بننے والے ہیں۔

 

View this post on Instagram

 

A post shared by Zulqarnain Sikandar (@ch.zulqarnain25)

واضح رہے کہ مذکورہ تصاویر میں دونوں ٹک ٹاکر بہت زیادہ خوش نظر آرہے ہیں اور اُنہوں نے اس بڑی نعمت پر اللّہ تعالیٰ کا شُکر بھی ادا کیا ہے۔

یہ بھی پڑھیں:

‘ڈونٹ گو عامر بھائی’ کہ ٹرینڈ چلاؤ یا کچھ بھی، میں جارہا ہوں، عامر لیاقت

دوسری جانب سوشل میڈیا صارفین کی جانب سے اس جوڑے کو مبارکباد دینے کا سلسلہ بھی جاری ہے۔

خیال رہے کہ اس جوڑی کا گزشتہ برس، اپریل کے آغاز میں دھوم دھام سے نکاح ہوا تھا جبکہ حال ہی میں کنول آفتاب کی رخصتی ہوئی ہے۔

کنول آفتاب ناصرف ایک ٹک ٹاک اسٹار ہیں بلکہ وہ گزشتہ کچھ سالوں سے نجی ویب چینل پر میزبانی کے فرائض بھی سرانجام دے رہی ہیں جبکہ ذوالقرنین سکندر نے 2018 میں اپنے دوستوں کے ہمراہ ٹک ٹاک پر ویڈیوز بنانے کے ذریعے اپنے کیریئر کا آغاز کیا اور پھر تھوڑے ہی عرصے میں اپنی جاندار اداکاری کی بدولت مقبول ہو گئے۔