امریکی خاتون کی اسپام میل سے لاکھوں ڈالرز کی لاٹری نکل آئی

لندن:آن لائن لاٹری خریدنے والی امریکی خاتون کی اسپام میل سے لاکھوں ڈالرز کی لاٹری نکل آئی۔

بین الاقوامی میڈیا رپورٹس کے مطابق امریکی کاؤنٹی اوکلینڈ سے تعلق رکھنے والی 55 سالہ لورا اسپیئرز گمشدہ میل تلاش کرتے ہوئے 30 لاکھ ڈالرز کی مالک بن گئی۔

لورا اسپیئرز نے 31 دسمبر کو فیس بک اشتہار دیکھ کر میگا ملین کی آن لائن لاٹری خریدی تھی لیکن انہیں لگا کہ شاید ان کی لاٹری نہیں نکلی۔جس کے بعد وہ مایوس ہوچکی تھیں۔

لورا اسپیئرز نے کہا کہ وہ اپنی گمشدہ ای میلز کے فولڈرز میں اپنی ای میلز چیک کررہی تھیں کہ ایک ای میلز دیکھ کر وہ حیران رہ گئیں۔جس کے بعد ان کی خوشی کی انتہاء نہ رہی۔

مزید پڑھیں: موبائل فون صارفین کا ڈیٹا ہیک، کروڑوں شہریوں کی نجی معلومات فروخت کیلئے پیش

انہوں نے کہا کہ وہ یہ دیکھ کر حیران رہ گئیں کہ اسپام میلز کی چیکنگ کے دوران ملنے والی ای میل میں ان کی لاکھوں ڈالرز کی دو لاٹریاں نکل آئی ہیں۔خاتون نے بتایا کہ انعام کی رقم 30 لاکھ ڈالرز ہے، جس کی مدد سے وہ اپنی ریٹائرڈ زندگی باآسانی گزار سکیں گی۔