گوگل نیوز پر ہمیں فالو کریںاسلام آباد:وفاقی وزیر خارجہ شاہ محمود قریشی نے کہا ہے کہ کشمیر میں بے نقاب ہوتے ہوئے انسانی المیے نے پوری دُنیا کی توجہ اپنی طرف کھینچ لی ہے۔ میں روز دو سے چار وزرائے خارجہ سے بات چیت کرتا ہوں تاکہ دُنیا کو کشمیر میں بڑھتی ہوئی کشیدگی سے آگاہ کرسکوں۔
سماجی رابطے کی ویب سائٹ ٹوئٹر پر اپنے پیغام میں وزیر خارجہ نے کہا کہ دُنیا کو کشمیر میں روز ہونے والے ظلم و ستم سے آگاہی دیتا ہوں۔ آج عرب امارات اور سعودی عرب کے وزرائے خارجہ پاکستان کا دورہ کر رہے ہیں تاکہ کشمیر کی صورتحال پر گفت و شنید ہوسکے۔
یہ بھی پڑھیں: وزیر اعظم کی معاشی ٹیم کو قرض معاف کرنے سے متعلق حقائق قوم کے سامنے رکھنے کی ہدایت
شاہ محمود قریشی نے کہا کہ یورپی پارلیمنٹ نے جموں و کشمیر میں جاری کرفیو کو ختم کرنے کا مطالبہ کیا ہے جس کا ہم خیر مقدم کرتے ہیں جبکہ جموں و کشمیر کی صورتحال اس وقت روزانہ کی بنیادوں پر کشیدہ سے کشیدہ تر ہو رہی ہے۔
The UAE and Saudi Arabian Foreign Ministers arrive in Pakistan today to discuss this grave situation while the EU Parliament has called for an end to the curfew in IOJK as has OIC’s IPHRC, in no uncertain terms. https://t.co/EuLypKJBI5
— Shah Mahmood Qureshi (@SMQureshiPTI) September 4, 2019
انہوں نے کہا کہ بڑھتی ہوئی کشیدگی کے باعث کشمیر میں بد ترین انسانی المیہ جنم لے چکا ہے۔ ہم دُنیا کو اس مسئلے سے آگاہ کرتے رہیں گے اور ہر ممکن سفارتی ذریعے سے اہلیانِ کشمیر کے حقوق کے لیے لڑتے رہیں گے۔
The situation in IOK is a developing one, with each day under curfew marking the deepening of a terrible humanitarian crisis. We’ll continue to keep the world informed as we continue to strive to fight for the rights of the ppl of Kashmir through every possible diplomatic avenue.
— Shah Mahmood Qureshi (@SMQureshiPTI) September 4, 2019
یاد رہے کہ اس سے قبل معاون خصوصی اطلاعات فردوس عاشق اعوان نے یورپی پارلیمنٹ عالمی امور کمیٹی کی طرف سے بھارت سے کشمیر میں جاری کرفیو فوری طور پر ہٹانے کے مطالبے کا خیر مقدم کرتے ہوئے کہا کہ وہ دن دور نہیں جب کشمیر میں آزادی کا سورج طلوع ہوگا۔سماجی رابطے کی ویب سائٹ ٹوئٹر پر اپنے پیغام میں فردوس عاشق اعوان نے کہا کہ گھمنڈاور تکبر خاک میں مل چکا، ہر طرف سے بھارت کو منہ کی کھانی پڑ رہی ہے۔
مزید پڑھیں: وہ دن دُور نہیں جب کشمیر میں آزادی کا سورج طلوع ہوگا۔ فردوس عاشق اعوان
