گوگل نیوز پر ہمیں فالو کریںاسلام آباد: انٹر سروسز انٹیلی جنس (آئی ایس آئی) کے سابق سربراہ لیفٹیننٹ جنرل (ر) فیض حمید نے کہا ہے کہ وہ کبھی سیاست میں نہیں آئیں گے۔
انٹر سروسز انٹیلی جنس (آئی ایس آئی) کے سابق سربراہ لیفٹیننٹ جنرل (ر) فیض حمید کا کہنا تھا کہ ان کے سیاست میں آنے یا پی ٹی آئی کا حصہ بننے سے متعلق تمام قیاس آرائیاں سراسر غلط ہیں۔
انہوں نے کہا کہ وہ دو سال کے بعد بھی سیاست نہیں آئیں گے،واضح رہے کہ ایک روز قبل ایک ویڈیو وائرل ہوئی تھی جس میں پاک فوج کے سابق تھری اسٹار افسر کو چکوال میں پی ٹی آئی کی مقامی قیادت نے عمران خان کی قیادت میں پی ٹی آئی میں شمولیت کی دعوت دی تھی۔
ویڈیو میں فیض حمید کو چکوال میں اپنے آبائی گاؤں میں ایک اجتماع میں شرکت کرتے ہوئے دکھایا گیا ہے۔ اس میں ایک نامعلوم شخص نے اجتماع سے خطاب کرتے ہوئے سابق آئی ایس آئی چیف کی فوج میں خدمات اور علاقے کی ترقی کی تعریف کی۔
لیفٹیننٹ جنرل (ر) فیض،آرمی چیف عاصم منیر کے چیف آف آرمی اسٹاف کے طور پر پاک فوج کی کمان سنبھالنے کے بعد سروس سے ریٹائر ہو گئے تھے۔
سابق ڈی جی آئی ایس آئی نے وزیراعظم کی جانب سے جنرل عاصم منیر اور جنرل ساحر شمشاد مرزا کی فور اسٹار رینک پر ترقی کی منظوری کے بعد قبل از وقت ریٹائرمنٹ کی درخواست کی تھی۔
مزید پڑھیں:پاکستان کو ایف اے ٹی ایف کا رکن بنایا جائے، وزیرِ خارجہ
قبل از وقت ریٹائرمنٹ کے لیے ان کی درخواست 2 دسمبر کو وزارت دفاع کی جانب سے وزیر اعظم شہباز شریف کو بھیجے جانے کے بعد منظور کر لی گئی۔
