گوگل نیوز پر ہمیں فالو کریںجنیوا: اقوامِ متحدہ نے کہا ہے کہ دنیا کے ماحولیاتی و معاشی مسائل سے نمٹنے کیلئے عالمی برادری کو 100 ارب ڈالر چاہئیں جس کیلئے بینکنگ کے شعبے کو آگے آنا ہوگا۔
سماجی رابطے کی ویب سائٹ ٹوئٹر پر اپنے پیغام میں اقوامِ متحدہ کے جنرل سیکریٹری انتونیو گوتریس نے کہا کہ دنیا کو سالانہ کم از کم 100 ارب ڈالر کی ضرورت ہے کہ ماحولیاتی مسائل پر قابو پایا جائے اور ترقی پذیر ممالک کے مسائل حل ہوسکیں۔
پاکستان ماحولیاتی تبدیلیوں کے خلاف سرگرمِ عمل ہے۔وزیر اعظم
عالمی ماحولیاتی بحران پر بین الاقوامی کاوشیں اور پاکستان کا کردار
ماحولیاتی تبدیلی پر کانفرنس میں پاکستان کو دعوت نہ دینے پرحیرت ہے۔وزیرِاعظم
پیغام میں اقوامِ متحدہ کے جنرل سیکریٹری نے مزید کہا کہ ترقی پذیر ممالک کی امداد اور ماحولیاتی مسائل میں کمی کیلئے ڈویلیپمنٹ بینکس کو اہم کردار ادا کرنا ہوگا تاکہ توانائی کے تبادلے سے متعلق پلانز سے گرین ریکوری کا مقصد حاصل کیا جاسکے۔
At a bare minimum, $100 billion dollars a year is needed for climate mitigation & adaptation for the developing world.
Development banks have an essential role to play in funding a green recovery and credible energy transition plans. pic.twitter.com/E7O2dHV3nL
— António Guterres (@antonioguterres) October 15, 2021
خیال رہے کہ اس سے قبل مائیکروسافٹ کمپنی کے بانی بل گیٹس نے پیش گوئی کی کہ عالمی برادری کو ایک ماحولیاتی بحران کا سامنا کرنا ہو گا جس کے اثرات کورونا وائرس سے زیادہ برے ہوسکتے ہیں۔
بین الاقوامی خبررساں ادارے کے مطابق بل گیٹس نے اگست 2020 کے دوران اپنے بلاگ میں لکھا کہ کورونا کی وبا جتنی بھی دہشت ناک ہو، ماحولیات کی تبدیلی اس سے زیادہ بری ہو سکتی ہے۔دنیا کو قریبی دہائیوں کے دوران ماحولیات کی تبدیلی کے حوالے سے سب سے بڑے بحران کا سامنا ہو گا۔
انہوں نے واضح کیا کہ کورونا وائرس کے سبب اموات کا تناسب ہر ایک لاکھ کی آبادی میں 14 افراد کی وفات تک پہنچ گیا، جب کہ آئندہ 40 برسوں میں زمین پر درجہ حرارت بڑھنے کے سبب اموات کا تناسب سال 2100 سے قبل 5 گنا بڑھ جائے گا۔
مزید پڑھیں: ماحولیاتی بحران کورونا سے زیادہ تباہ کن ہوگا،بل گیٹس
