صدر مملکت اور وزیر دفاع بھی کورونا میں مبتلا ہوگئے

اسلام آباد: ملک ان دنوں کورونا وائرس کی تیسری لہر کی زد میں ہے اور مریضوں کی تعداد میں روز بروز تیزی سے اضافہ ہورہا ہے، وزیر اعظم کے بعد اب صدر مملکت ڈاکٹر عارف علوی اور وزیر دفاع پرویز خٹک بھی کورونا میں مبتلا ہوگئے۔

سوشل میڈیا کی ویب سائٹ پر ٹوئٹر پر اپنے ایک بیان میں صدر مملکت نے بتایا کہ میرا کورونا ٹیسٹ مثبت آ گیا ہے، اللہ تعالیٰ کورونا متاثرین کو شفا عطا فرمائے۔

وازا مرضت فھوا یشفین

اور جب میں بیمار ہوتا ہوں تو وہی شفا دیتا ہے

I have tested positive for Covid-19. May Allah have mercy on all Covid affectees. Had 1st dose of vaccine، but antibodies start developing after 2nd dose that was due in a week. Please continue to be careful.

— Dr. Arif Alvi (@ArifAlvi) March 29, 2021

ڈاکٹر عارف علوی کا مزید کہنا تھا کہ ویکسین کی پہلی خوراک لی تھی لیکن اینٹی باڈیز 2 ڈوز کے بعد تیار ہونا شروع کردیتی ہیں کورونا سے بچاؤ کی ویکسین کی دوسری ڈوز ایک ہفتے میں لگنی تھی۔ صدر مملکت نے لوگوں سے درخواست کی کہ برائے مہربانی احتیاط کا دامن ہاتھ سے نہ چھوڑیں۔

اپنے ٹوئٹ میں صدر مملکت ڈاکٹر عارف نے قرآن مجید کی آیت بھی لکھی جس میں کہا گیا ہے کہ (جب میں بیمار ہوتا ہوں تو وہی شفاء دیتا ہے)

دوسری جانب سے گورنر سندھ عمران اسماعیل نے ٹویٹر پر اپنے جاری کردہ بیان میں بتایا کہ وفاقی وزیر دفاع پرویز خٹک کا کورونا ٹیسٹ مثبت آ گیا ہے۔

Perwaiz Khatak is diagnosed with Covid positive. Get well soon PK

— Imran Ismail (@ImranIsmailPTI) March 29, 2021

یاد رہے کہ چند دنوں قبل وزیراعظم عمران خان بھی کورونا وائرس کا شکار ہوگئے تھے اور ان کی اہلیہ خاتون اول کا بھی ٹیسٹ مثبت آگیا ہے، جس کے دونوں نے خود کو گھر میں قرنطینہ کرلیا تھا۔

مزید پڑھیں: پنجاب میں شادی کی تقریبات پر پابندی، ٹرانسپورٹ، مارکیٹس، ریسٹورنٹس بند