گوگل نیوز پر ہمیں فالو کریںاسلام آباد: وزیراعظم عمران خان نے نیشنل فوڈ سیکیورٹی کو اصل خطرہ قرار دے دیا، انہوں نے کہا ہے کہ فوڈ سیکیورٹی کے خطرے سے نمٹنے کیلئے ابھی سے تیاری کرنا ہوگی۔
وزیراعظم کا اسلام آباد میں کسان کنونشن سے خطاب میں کہنا تھا کہ جس قوم کو صیح معنوں میں غذا نہ ملے وہ ترقی نہیں کر سکتی، آنے والے وقت سے بچنے کے لیے آج سے ہم نے قدم اٹھانے ہیں۔ انہوں نے کہا کہ اس کانفرنس کا مقصد کسانوں کو صحیح سمت دینا ہے۔
وزیر اعظم نے کہا کہ آزادی کے بعد حکمرانوں نے سب کو ترقی میں شامل نہیں کیا۔ امیر اور غریب کے لیے تعلیم کا الگ الگ نظام ہے۔ سرکاری ہسپتال پیچھے اور پرائیوٹ ہسپتال بہتر ہو گئے۔ انصاف کا نظام ایسا ہے کہ مہنگے وکیل کرو تو انصاف ہے۔
انہوں نے کہا کہ مدینہ کی ریاست میں سب سے پہلے نچلے طبقے کی مدد کی گئی جبکہ چین نے 35 سالوں میں 70 کروڑ لوگوں کو پہلے غربت سے نکالا، چین نے اپنے ملک کواٹھانے کے لیے چھوٹے کسانوں کی مدد کی، ہمیں بھی 74 سال پہلے اپنے چھوٹے کسانوں کی مدد کرنی چاہیے تھی۔
انہوں نے کہا کہ خالص دودھ کا بھی مسئلہ ہے، بچوں کو پوری غذا نہ ملنا بہت خوفناک ہے۔ پاکستان میں کبھی گائے اور بھینس کی جینز بارے سوچا ہی نہیں گیا۔اس طرف بھی توجہ دینی ہوگی۔
وزیر اعظم عمران نے مزید کہا کہ پاکستان میں ہر جگہ کمزور آدمی نے مار کھائی، سسٹم نے ہر جگہ غریب کو پیچھے چھوڑ دیا۔ ساری مراعات چھوٹے سے طبقے کے لیے ہے لیکن ہم نے اپنی قوم کو مسائل سے بچانا ہے۔
مزید پڑھیں: افغانیوں کو کوئی تابع نہیں کرسکتا، چین سے تعلقات کم نہیں کرینگے، عمران خان
