گوگل نیوز پر ہمیں فالو کریںکراچی:ساؤتھ افریقہ کے خلاف وارم اپ میچ میں ہارنے کے بعد قومی ٹیم اور مینجمنٹ کی جانب سے بھارت کے خلاف میچ کی حکمت عملی تیار کرلی گئی ہے۔
ذرائع کا اس حوالے سے کہنا ہے کہ میٹنگ میں کھلاڑیوں اور مینجمنٹ کے درمیان جنوبی افریقا کے خلاف شکست پر کوئی گفتگو نہیں ہوئی،تاکہ ٹیم کا مورال بلند رہے اور حوصلہ شنکی نہ ہو۔
تاہم ہونے والی میٹنگ میں کھلاڑیوں کو بورڈ کی جانب سے 2017 چیمپئنز ٹرافی کی ویڈیو دکھائی گئی،جس میں بھارت کیخلاف جیت کے حوالے سے فاتح ٹیم کے اراکین کے مختصر انٹرویوز دکھائے گئے۔
ذرائع کے مطابق یہ ملاقات خوشگوارماحول میں ہوئی اور کھلاڑیوں نے انہماک کے ساتھ چیمپئنزٹرافی فائنل کی ویڈیو دیکھی اور بھارت کے خلاف بھرپور کھیل پیش کرنے کے عزم کا اعادہ کیا۔
کھلاڑیوں سے دبئی اجلاس میں بھارت سے میچ کے حوالے سے گفتگو ہوئی اور اس دوران کھلاڑیوں کو پاک بھارت میچ پر چیمپئنز ٹرافی کی مثال دی گئی۔
مزید پڑھیں: پاک بھارت میچز میں بھرپور دباؤ ہوتا ہے، مگر تیاریاں مکمل ہیں، میتھیو ہیڈن
