گوگل نیوز پر ہمیں فالو کریںاسلام آباد:وزیر اعظم عمران خان نے کہا ہے کہ میں چاہتا ہوں تمام پاکستانی کشمیریوں سے اظہارِیکجہتی اور انہیں واضح پیغام دیں کہ پوری پاکستانی قوم آپ کے ساتھ کھڑی ہے۔ کل دن 12 بجے سے 12:30 بجے تک گھروں سے نکلیں۔
سماجی رابطے کی ویب سائٹ ٹوئٹر پر اپنے پیغام میں وزیر اعظم عمران خان نے کہا کہ کل باہر نکل کر ہم کشمیری بھائیوں کو پیغام دیں گے کہ پوری پاکستانی قوم بھارتی سفاکیت اور 24 روز سے جاری غیر انسانی کرفیو کے خلاف ہے۔
میں چاہتا ہوں کہ تمام پاکستانی کشمیری عوام سے یکجہتی کے اظہار اور مقبوضہ کشمیر کے لوگوں کو واضح پیغام بجھوانے کیلئے کہ پوری پاکستانی قوم ان کے ساتھ کھڑی ہے، کل دن 12 بجے سے لیکر 12:30 تک باہر نکلیں۔
— Imran Khan (@ImranKhanPTI) August 29, 2019
یہ بھی پڑھیں: سابق وزیر اعظم شاہد خاقان عباسی کے جسمانی ریمانڈ میں 14 روز کی مزید توسیع
وزیر اعظم نے کہا کہ ہم بچوں اور خواتین سمیت کشمیری باشندوں پر ظلم و تشدد اور قتل کے خلاف ہیں۔ بھارتی وزیر اعظم نریندر مودی کے نسل کشی کے ایجنڈے اور مقبوضہ کشمیر پر غیر قانونی بھارتی قبضے کے خلاف احتجاج میں کشمیریوں کے ساتھ ہیں۔
انہوں نے کہا کہ کشمیر کی جغرافیائی حیثیت تبدیل کرنے کا مذموم منصوبہ چوتھے جنیوا کنونشن کے تحت جنگی جرم ہے۔ ہمیں کشمیریوں کو ٹھوس پیغام بھجوانا ہے کہ بحیثیت قوم ہم پوری قوت سے ان کے ساتھ کھڑے ہیں۔ پاکستانی کل سب کچھ چھوڑ چھاڑ کر آدھے گھنٹے کے لیے باہر نکلیں اور کشمیریوں سے اظہارِ یکجہتی کریں۔
کشمیر کی ڈیموگرافی تبدیل کرنے کا منصوبہ چوتھے جینیوا کنونشن کے تحت جنگی جرم ہے۔ ہمیں اہلِ کشمیر کو ٹھوس پیغام بجھوانا ہے کہ بحیثیت قوم ہم پوری قوت سے انکی پشت پر ہیں۔ چنانچہ تمام پاکستانی سب کچھ چھوڑ چھاڑ کر کل آدھے گھنٹے کیلئے باہر نکلیں اور اہلِ کشمیر کے ساتھ اظہار یکجہتی کریں۔
— Imran Khan (@ImranKhanPTI) August 29, 2019
یاد رہے کہ اس سے قبل وفاقی وزیر ریلوے شیخ رشید احمد نے کہا ہے کہ مسئلہ کشمیر وزیر اعظم عمران خان اور آرمی چیف جنرل قمر جاوید باجوہ حل کریں گے۔کچھ بھارتی ایجنٹ تکلیف میں مبتلا ہیں کہ میں جذباتی ہوگیا ،لیکن میں ذمہ داری کے ساتھ یہ بات کر رہا ہوں۔
مزید پڑھیں: مسئلہ کشمیر وزیر اعظم عمران خان اور آرمی چیف جنرل قمر جاوید باجوہ حل کریں گے۔ شیخ رشید
