عازمین حج کے پاس سے نسوار ملی تو سخت سزا دی جائیگی، سعودی حکام کا انتباہ

ریاض: سعودی حکومت نے عازمین حج کو خبردار کیا ہے کہ اگر ان کے پاس سے نسوار نکلی تو انھیں انتہائی سخت سزادی جائیگی۔

سعودی عرب سمیت تمام عرب ممالک نسوار کو منشیات کی فہرست میں شامل کرچکے ہیں اور اسی حوالے سے سعودی حکام نے عازمین حج کو خبردار کیا ہے کہ وہ نسوار لے کر نہ آئیں ورنہ سخت کارروائی کی جائے گی۔

سعودی عرب کے احکامات پر اینٹی نارکوٹکس فورس (اے این ایف) نے ائیرپورٹس پر وارننگ کے پوسٹرز بھی لگوادیے ہیں۔

یہ بھی پڑھیں:

اسرائیل نے حج کی براہ راست پروازوں کیلئے سعودی عرب کو درخواست جمع کرادی

دوسری جانب سعودی وزارت صحت نے اپیل کی ہے کہ حج پرمٹ 15 شوال سے جاری ہوں گے لہذا عازمین حج تمام لازمی حفاظتی ٹیکے لگوائیں جبکہ اجازت نامے کیلئے حفاظتی ٹیکےاور ویکسینیشن مکمل کرنا بنیادی شرط ہے۔

واضح رہے کہ حج سیزن شروع ہونے سے 10 روز قبل حفاظتی ویکسین لگوانا لازم ہے۔

اس کے علاہ کچھ روز قبل پاکستانی ذرائع وزارت مذہبی امور نے بتایا تھا کہ عازمین حج کو اب آب زم زم مفت نہیں بلکہ قیمت کی ادائیگی کے بعد ملے گا ، اس کے عوض پاکستانی عازمین حج کو رواں برس 20 کروڑ روپے ادا کرنا ہوں گے۔