گوگل نیوز پر ہمیں فالو کریںمعروف مذہبی رہنما مفتی قوی نے بھارتی اداکارہ اور رقاصہ راکھی ساونت سے شادی کرنے کے لیے رواں ماہ دبئی جانے کا اعلان کردیا ہے۔
ایک ویڈیو بیان میں مفتی قوی نے ایک جرنلسٹ کا حوالہ دیتے ہوئے کہا کہ انہوں نے اطلاع دی کہ راکھی ساونت اسلام آباد پہنچ چکی ہیں اور وہ جلد لاہور آ کر ان سے شادی کرنے کا ارادہ رکھتی ہیں، تاہم قوی نے بتایا کہ میری معلومات کے مطابق راکھی ساونت اس وقت دبئی میں موجود ہیں۔
View this post on Instagram
ویڈیو میں مفتی قوی نے راکھی ساونت کو “فاطمہ” کے نام سے پکارا اور دعویٰ کیا کہ یہ ان کا اسلامی نام ہے۔ مفتی قوی نے کہا کہ وہ 14 یا 24 فروری کو دبئی جائیں گے اور وہاں فاطمہ (راکھی ساونت) سے نکاح کریں گے۔
انہوں نے مزید کہا کہ نکاح کے بعد دونوں پاکستان واپس آئیں گے، جہاں انہیں عوام کی جانب سے تاریخی استقبال کی توقع ہے۔ مفتی قوی کا یہ بھی کہنا تھا کہ اس شادی سے پاکستان اور بھارت کے تعلقات میں بہتری آئے گی اور دونوں ممالک کے درمیان قربتوں کا آغاز ہوگا۔
یاد رہے کہ گزشتہ ماہ مفتی قوی نے راکھی ساونت کو پرپوز کیا تھا، جسے میڈیا رپورٹس کے مطابق اداکارہ نے قبول کر لیا تھا۔ تاہم کچھ حلقے یہ سمجھتے ہیں کہ راکھی ساونت نے اس پیشکش کو مذاق سمجھ کر قبول کیا تھا۔ اس تمام صورتحال نے میڈیا میں کافی ہلچل مچائی ہے اور دونوں شخصیات کی شادی کا معاملہ سوشل میڈیا پر زیر بحث آیا ہے۔
یہ اعلان پاکستان اور بھارت کے عوامی تعلقات کی پیچیدہ صورتحال کے درمیان ایک دلچسپ اور غیر متوقع موڑ کے طور پر دیکھا جا رہا ہے، جس پر مختلف رائے زنی ہو رہی ہے۔
