گوگل نیوز پر ہمیں فالو کریںکراچی میں ڈیفینس کے ایک بنگلے پولیس نے چھاپا مارا، فائرنگ کے واقعے میں ڈی ایس پی سمیت دو اہلکار زخمی ہو گئے۔
تفصیلات کے مطابق کراچی کے علاقے ڈیفنس گذری میں اے وی سی سی پولیس نے بنگلے پر چھاپا مارا، چھاپے کے دوران بنگلے کے اندر سے پولیس پر فائرنگ کی گئی۔
فائرنگ سے ڈی ایس پی سمیت دو پولیس اہلکار زخمی ہوگئے۔
اس حوالے سے ڈی آئی جی سی آئی اے مقدس حیدر کا کہنا ہے کہ چھاپا اغوا ہوئے نوجوان کے کیس میں مارا گیا، ملزم کو گرفتار کرکے اسلحہ اور شراب برآمد کرلی گئی۔
دوسری جانب کراچی کے علاقے کورنگی میں ڈکیتی مزاحمت پر نوجوان کو قتل کر دیا گیا۔
مقتول نے ڈاکو کو موٹرسائیکل پر فرار ہوتے وقت دبوچا، ڈکیت نے خود کو چھڑاتے ہوئے شہری پر فائرنگ کردی ، جس سے وہ زخمی ہوا اور اسپتال میں دم توڑ دیا۔
واقعے کے بعد ملزم کوشہریوں نے پکڑ کر شدید تشدد کا نشانہ بنایا۔
