گوگل نیوز پر ہمیں فالو کریںمظفرآباد: آزاد جموں و کشمیر کے سابق صدر اور وزیراعظم سردار سکندر حیات خان انتقال کر گئے، ان کے اہل خانہ نے ہفتے کے روز ان کے انتقال کی تصدیق کی تھی۔
تفصیلات کے مطابق ، آزاد جموں و کشمیر کے صدر سردار سکندر حیات خان ایک نجی اسپتال میں زیرعلاج تھے۔ انہیں دل بیماری کا عارضہ لاحق تھا۔ وہ آزاد جموں و کشمیر کے سابق صدر اور دو مرتبہ وزیر اعظم کے عہدے پر فائز رہ چکے تھے۔
رواں سال کے شروع میں سردار سکندر حیات خان نے مسلم لیگ (ن) سے علیحدگی اختیار کر لی اور دوبارہ مسلم کانفرنس (ایم سی) کو جوائن کرلیا تھا۔ خان کشمیر میں مسلم لیگ (ن) کے علمبرداروں میں شامل تھے۔
دریں اثناء وزیراعظم عمران خان نے سردار سکندر حیات خان کے انتقال پر دلی تعزیت کا اظہار کیا ہے۔ انہوں نے سماجی رابطے کی ویب سائٹ ٹوئٹر پر لکھا ، “سردار سکندر حیات خان کے انتقال کا جان کر دکھ ہوا۔”
Saddened to learn of the passing of Sardar Sikandar Hayat Khan, former President of AJK as well as former PM of AJK. His contribution to the Kashmir cause & service to the Kashmiri people were invaluable. My prayers & condolences go to his family.
— Imran Khan (@ImranKhanPTI) October 9, 2021
انہوں نے لکھا ہے کہ “کشمیر کاز اور کشمیری عوام کے لیے ان خدمات لازوال تھی۔ میری دعائیں اور تعزیت ان کے خاندان کے ساتھ ہیں۔”
وزیر اطلاعات و نشریات فواد چوہدری نے دکھ کا اظہار کرتے ہوئے سماجی رابطے کی ویب سائٹ ٹوئٹر پر لکھا ہے کہ “سردار سکندر حیات خان نے مقبوضہ کشمیر میں بھارتی ظلم کے خلاف آواز بلند کی۔” وزیر اطلاعات نے ایک بیان میں مزید کہا کہ “خان ایک نیک اور اصول پسند سیاستدان تھے۔”
یہ بھی پڑھیں
پاکستان کے مایہ ناز ایٹمی سائنسدان ڈاکٹر عبدالقدیر خان انتقال کر گئے
ڈاکٹر عبدالقدیر خان کا انتقال:وزیراعظم اور صدر علوی سمیت سیاسی رہنماؤں کا اظہار تعزیت
اسپیکر قومی اسمبلی اسد قیصر نے بھی مرحوم کی کاوشوں کا اعتراف کرتے ہوئے کہا کہ سکندر حیات خان کی خدمات کو ہمیشہ یاد رکھا جائے گا۔ اللہ تعالی مرحوم کے درجات بلند فرمائے اور ان کے اہل خانہ کو یہ ناقابل تلافی نقصان برداشت کرنے کی توفیق عطا فرمائے۔
سابق وزیر اعظم و صدر آزاد کشمیر سردار سکندر حیات خان کی وفات پر دکھ اور افسوس ہوا۔ سکندر حیات خان کی خدمات کو ہمیشہ یاد رکھا جائے گا۔اللہ تعالیٰ مرحوم کے درجات بلند فرماۓ اور سوگوار خاندان کو اس ناقابل تلافی نقصان کو برداشت کرنے کے لیے صبر وجمیل عطاء فرماۓ۔ pic.twitter.com/AZgvQnCwOi
— Asad Qaiser (@AsadQaiserPTI) October 9, 2021
کشمیر پر پارلیمانی کمیٹی کے چیئرمین شہریار آفریدی نے بھی دکھ کا اظہار کرتے ہوئے لکھا ہے کہ “انہیں سینئر سیاستدان سردار سکندر حیات خان کی موت کی خبر سن کر دکھ ہوا ہے۔”
اناللہ واناالیہ راجعون
ایک عہد تھا جوتمام ہوا-
سابق صدر و وزیراعظم آزاد جموں وکشمیر بزرگ سیاستدان سردارسکندر حیات خان صاحب کے انتقال کی خبر سن کر صدمہ ہوا، سردار سکندرحیات کی تحریک آزادی اور آزاد کشمیر کی عوام کیلئےخدمات کو ہمیشہ یاد رکھا جائے گا.
اللہ پاک مرحوم کی مغفرت فرمائے pic.twitter.com/TYRsnnIb5c— Shehryar Afridi (@ShehryarAfridi1) October 9, 2021
