سیلاب سے متاثرہ ننھا بچہ گھاس کھانے پر مجبور، ویڈیو سوشل میڈیا پر وائرل

پاکستان میں جون سے جاری مون سون بارشوں کے بعد سیلابی صورتحال نے چاروں صوبوں میں تباہی مچادی، سیلاب سے متاثرہ افراد کی زندگی بہت بری طرح متاثر ہوئی ہے۔

سماجی رابطے کی ویب سائٹ ٹوئٹر پر پاکستان تحریک انصاف کی رہنما دعا بھٹو نے ایک دلخراش ویڈیو شیئر کی ہے، جس میں سیلاب سے متاثرہ ایک ننھا سا بچہ کچی زمین پر بیٹھا گھاس کھا رہا ہے۔

کونسی قیامت کیسی قیامت کا ہم انتظار کر رہے ہیں
یہ قیامت ہی تو ہے
بیٹا ہمیں معاف کرنا #FloodsInPakistan2022 pic.twitter.com/B7C5NQ8jl9

— Dua Bhutto Haleem Adil Shaikh (@Dua_Haleem) August 31, 2022

دعا بھٹو کی جانب سے شیئر کی گئی اس ویڈیو میں دیکھا جاسکتا ہے کہ بھوک اور معصومیت کے ہاتھوں مجبور بچے کو گھاس کا ذائقہ ستا رہا ہے مگر وہ کبھی گھاس منہ سے نکال کر پھینک رہا ہے تو کبھی دوبارہ کھانے کے لیے منہ میں ڈال رہا ہے۔

یہ بھی پڑھیں:

ریسکیو ٹیم نے سیلابی ریلے سے بے زبان بلی کی جان بچالی، ویڈیو سوشل میڈیا پر وائرل

پی ٹی آئی رہنما نے اپنی ٹوئٹ میں لکھا کہ ’کونسی قیامت کیسی قیامت کا ہم انتظار کر رہے ہیں، یہ قیامت ہی تو ہے‘۔

انہوں نے اپنے ٹوئٹ میں قوم کے مستقبل کے اس سپوت سے معافی مانگتے ہوئے لکھا ہے کہ ’بیٹا ہمیں معاف کرنا‘۔