کراچی، صدر میں پٹاخوں کے گودام میں آتشزدگی، فائربریگیڈ آگ بجھانے میں مصروف

کراچی کے علاقے صدر کے بازار میں پٹاخوں کے گودام میں آگ لگ گئی ہے۔ واقعے کی اطلاع ملتے ہی فائر بریگیڈ کی گاڑیاں جائے وقوعہ پر پہنچ گئیں۔

فائر بریگیڈ حکام کے مطابق صدر بازار میں واقع پٹاخوں کے گودام میں آگ لگ گئی ہے جس کو بجھانے کے لیے فائر بریگیڈ کی تین گاڑیوں نے کارروائی کا آغاز کردیا ہے۔

 حکام کا کہنا ہے کہ گودام میں بڑی مقدار میں پٹاخوں ، چائنہ بم اور پھلجھڑیوں کی آگ پر قابو پانے میں دشواری کا سامنا ہے۔آتش گیر مواد کے باعث آگ تیزی سے پھیل رہی ہے۔

واقعے کی اطلاع ملنے کے بعد پولیس ، رینجرز اور ریسکیو کی ٹیمیں جائے حادثہ پہنچ گئیں۔ آتشزدگی سے بڑے پیمانے پر مالی نقصان ہوا تاہم امدادی کارروائیاں جاری ہیں۔

یہ بھی پڑھیں:

مظفر گڑھ، گھر میں آتشزدگی سے 4بچوں سمیت ایک ہی خاندان کے 7افراد جاں بحق

کراچی، یونیورسٹی روڈ پر مرغیوں سے لدا ٹرک الٹ گیا، ڈرائیور زخمی

پولیس اور فائر بریگیڈ حکام کا کہنا ہے ابتدائی طور پر کسی جانی نقصان کی کوئی اطلاع نہیں اور آگ لگنے کی وجہ بھی سامنے نہیں آئی ہے۔

عینی شاہدین کے مطابق گودام میں ہونے والے دھماکوں کی آواز دور دور تک سنائی دے رہی ہیں جبکہ دھوئیں کے بادل بھی دور سے دکھائی دے رہے ہیں۔