گوگل نیوز پر ہمیں فالو کریںاسلام آباد: پاکستانی قوم کے عظیم سپوت کیپٹن کرنل شیر خان نے دشمن کے خلاف لڑتے ہوئے جامِ شہادت نوش کیا، ان کا 22واں یومِ شہادت آج منایا جارہا ہے۔
پاک فوج کے شعبۂ تعلقاتِ عامہ (آئی ایس پی آر) کا کہنا ہے کہ کیپٹن کرنل شیر خان نے اپنے خون سے تاریخ رقم کردی۔ مادرِ وطن کی حفاظت کیلئے کرنل شیر خان کا جوش و جذبہ اٹل تھا۔
ڈائریکٹر جنرل آئی ایس پی آر میجر جنرل افتخار بابر نے کہا کہ کیپٹن کرنل کیپٹن شیر خان شہید پر فخر کرتے ہیں۔ کارگل جنگ کے ہیرو کیپٹن کرنل شیر خان کی شہادت کو آج 22 برس مکمل ہو گئے۔
Nation venerates Capt Karnal Sher Khan Shaheed, NH, on 22nd Martyrdom Anniversary. Kargil War hero from Swabi, KPK, wrote history with his blood displaying utmost valour, commitment & unwavering allegiance 2 defend the country against all odds.
We are proud of him.— DG ISPR (@OfficialDGISPR) July 4, 2021
میجر جنرل بابر افتخار نے کہا کہ کیپٹن کرنل شیر خان نے لازوال بہادری کا مظاہرہ کیا۔ کارگل جنگ کے دوران کیپٹن کرنل شیر خان 5 جولائی 1999ء کے روز بے جگری سے لڑتے ہوئے شہید ہوئے۔
واضح رہے کہ حوالدار لالک جان اورکیپٹن کرنل شیر خان نے کارگل کے دوران وطنِ عزیز کے تحفظ کیلئے بھارتی فوج سے جنگ لڑتے ہوئے اپنی جانوں کے نذرانے پیش کیے۔
کیپٹن کرنل شیر خان اور حوالدار لالک جان نے سن 1999ء میں لائن آف کنٹرول پر گلٹری سیکٹر میں شہادت پائی جبکہ قوم دونوں بہادر سپوتوں کی خدمات کو کبھی فراموش نہیں کرے گی۔
یہ بھی پڑھیں: بلوچستان، ہوشاب میں بارودی سرنگ کا دھماکہ، ایف سی کا جوان کفایت اللہ شہید
