سابق وزیراعظم عمران خان کی سابقہ اہلیہ ریحام خان نے 36 سالہ مرزا بلال بیگ سے تیسری شادی کرلی۔
ریحام خان نے سوشل میڈیا پلیٹ فارمز پر شادی کی تصدیق کی اور اپنی تصاویر بھی جاری کیں۔
Finally found a man who I can trust @MirzaBilal__ pic.twitter.com/nx7pnXZpO6
— Reham Khan (@RehamKhan1) December 23, 2022
اپنی شادی کے حوالے سے سوشل میڈیا صارفین کو آگاہ کرتے ہوئے ریحام خان نے بتایا کہ ان کی شادی کی تقریب سادگی سے ہوئی۔ اس تقریب میں اُن کے والدین نے شرکت نہیں کی جبکہ بلال بیگ کے والدین نے اُن کا گرم جوشی سے استقبال کیا۔
We had a lovely Nikkah ceremony performed in Seattle with the blessings of @MirzaBilal__ parents & my son as my Vakeel. pic.twitter.com/960WQjgNqU
— Reham Khan (@RehamKhan1) December 23, 2022
ریحام خان نے بلال بیگ کے حوالے سے لکھا کہ وہ ایک ایسے شخص ہیں جن کی ذہانت سے وہ متاثر ہوئیں اور جو ہمیشہ تلخ حالات میں اُن کے ساتھ رہے۔
مرزا بلال بیگ
ریحام خان نے امریکا میں مقیم 36 سالہ پاکستانی نژاد مرزا بلال بیگ سے شادی کرلی۔ مرزا بلال بیگ سوشل میڈیا پر اپنے تعارف میں خود کو ممیکری آرٹسٹ، طنز نگار، اداکار اور ماڈل بتاتے ہیں۔ وہ ریحام خان سے پہلے بھی دو شادی کرچکے ہیں۔ پچھلی شادی سے اُن کا ایک بچہ بھی ہے۔
مرزا بلال بیگ ظنزیہ انداز میں حالات حاضرہ پر مزاحیہ تبصرے کرتے ہیں اور سوشل میڈیا پلیٹ فارمز پر اپنی ویڈیوز بھی پوسٹ کرتے رہتے ہیں۔
وہ مزاحیہ شو دی 4 مین شو، دل پر موت لے یار اور نیشنل ایلین براڈکاسٹ کا حصہ بھی رہ چکے ہیں۔
ریحام کی سابقہ شادیاں
ریحام خان نے 1990 میں پہلی شادی اعجاز رحمان سے کی تھی اور ان کی طلاق 2005 میں ہوئی اس شادی سے ان کے تین بچے بھی ہیں جو برطانیہ میں مقیم ہیں۔
پہلی شادی میں ناکامی کے بعد انہوں نے دوسری شادی جنوری 2015 میں پاکستان تحریک انصاف (پی ٹی آئی) کے چیئرمین اور سابق وزیر اعظم عمران خان سے کی تھی، مگر 10 ماہ بعد اکتوبر 2015 میں ہی ان کے درمیان طلاق ہوگئی تھی۔