گوگل نیوز پر ہمیں فالو کریںواٹس ایپ ایک ایسی چیز میں پیچھے تھا جس کی اس ڈیجیٹل دور کی ضرورت تھی تاہم اب ملٹی ڈیوائس سپورٹ سے لوگ ایک سے زیادہ ڈیوائسز کے ساتھ منسلک ہو سکیں گے۔ وہ کام جو دوستوں کے لیے تفریح کا سامان کرتے ہیں وہ واٹس ایپ پر موجودہ خصوصیت کی وجہ سے کافی سست روی کا شکار تھے۔
واٹس ایپ ہیڈ ول کیتھ کارٹ اور فیس بک کے سی ای او مارک زکربرگ نے حال ہی میں تصدیق کی ہے کہ یہ سروس جلد ہی صارفین کو متعدد آلات سے منسلک ہونے سے مدد ملے گی۔ اگرچہ اس خوشخبری میں کچھ وقت لگے تاہم دو سے تین ماہ میں جدید واٹپس ایپ صارفین کی دسترس میں ہوگا۔
ویب سائٹ وے بیٹا کے مطابق مارک زکر برگ نے اس بات کی بھی تصدیق کی ہے کہ ملٹی ڈیوائس فیچر اگلے دو ماہ کے اندر اینڈروئیڈ اور آئی او ایس کے استعمال کنندگان کے لیے دستیاب ہوگا۔
واٹس ایپ کا ایک بڑا مسئلہ یہی ہے کہ آپ ایک وقت میں ایک اکاؤنٹ کو ایک ہی ڈیوائس پر چلا سکتے ہیں، اور کمپیوٹر پر چلانے کے لیے آپ کے موبائل کا انٹرنیٹ سے منسلک ہونا بھی ضروری ہے۔ لیکن اب واٹس ایپ گوگل پلے بیٹا پروگرام کے ذریعے دی گئی نئی اپ ڈیٹ 2.21.14.1 میں اپنے استعمال کنندگان کے لیے نہایت اہم فیچر کی آزمائش کر رہا ہے۔
