گوگل نیوز پر ہمیں فالو کریںشوبز انڈسٹری کے خوبرو ماڈل، ٹی وی و فلم انڈسٹری سے تعلق رکھنے والے اداکار عمر شہزاد کی جانب سے پاکستانی شوبز انڈسٹری سے خفگی کا اظہار کیا گیا ہے۔
حال ہی میں وہ ایک انٹرویو میں نظر آئے جہاں پراُنہوں نے اپنی پیشہ ورانہ زندگی سے متعلق اہم اور متعدد انکشافات کیے۔
اداکار عمر شہزاد نے پاکستانی انڈسٹری کے دہرے معیار پر ناراضی کا اظہار کرتے ہوئے کہا کہ پاکستان میں فٹنس کی قدر نہیں کی جاتی ہے، اُن کمر 30 انچ ہے، لیکن اُنہیں ٹی وی ڈراموں میں کاسٹ نہیں کیا جاتا ہے۔
View this post on Instagram
اُن کا کہنا تھا کہ عام طور پر اسکرین پر عام انسان کی کہانی دکھانے کے لیے موٹے اور بھدے اداکاروں کو کاسٹ کر لیا جاتا ہے۔
انہوں نے دعویٰ کیا کہ ’جب وہ پاکستانی فلم ’جوانی پھر نہیں آنی‘ کا ایک گانا ریکارڈ کروا رہے تھے تو اُن کے پیچھے سب ہی ڈانس کرنے والے ڈانسرز بھارتی تھے، بھارتی ڈانسرز نے خصوصی طور پر اُن کے پاس آ کر کہا کہ ہم نے آج تک پاکستان میں اتنا سلم اور فٹ اداکار نہیں دیکھا ہے۔‘
یہ بھی پڑھیں: سائرہ یوسف ڈرامے کے سیٹ پر بیٹی کے ساتھ کیسے وقت گزارتی ہیں؟ تصویر وائرل
