بھارتی لوک سبھا میں شہریت بل کی سختی سے مذمت کرتے ہیں۔وزیر اعظم عمران خان

وزیر اعظم  پاکستان عمران خان نے لوک سبھا میں بھارتی شہریت کے حوالے سے منظور کردہ متعصبانہ بل  کی  مذمت کرتے ہوئے کہا ہے کہ بل سے عالمی انسانی حقوق بری طرح مجروح ہوئے۔

سماجی رابطے کی ویب سائٹ ٹوئٹر پر اپنے پیغام میں وزیر اعظم عمران خان نے کہا کہ بھارتی شہریت بل بین الاقوامی انسانی حقوق کے قوانین اور پاکستان کے ساتھ دو طرفہ معاہدوں کی خلاف ورزی ہے۔

بھارتی شہریت بل کی مذمت کرتے ہوئے وزیر اعظم عمران خان نے کہا کہ یہ ہندو راشٹرا کے بھارتی آر ایس ایس ایجنڈے کا حصہ ہے  جس کے تحت فاشسٹ مودی حکومت کے توسیع پسندانہ عزائم کو تقویت ملتی ہے۔ 

We strongly condemn Indian Lok Sabha citizenship legislation which violates all norms of int human rights law & bilateral agreements with Pak. It is part of the RSS "Hindu Rashtra" design of expansionism propagated by the fascist Modi Govt. https://t.co/XkRdBiSp3G

— Imran Khan (@ImranKhanPTI) December 10, 2019

یاد رہے کہ اس سے قبل وزیر اعظم پاکستان عمران خان نے کہا کہ حکومت نبی کریم ﷺ کی تعلیمات بالخصوص آپ ﷺ کے آخری خطبے پر عمل کرتے ہوئے انسانی حقوق کے تحفظ کے لیے پر عزم ہے جبکہ حقوق کے عالمی دن کے موقعے پر ہم بہادر کشمیریوں کی جدوجہد کو سلام پیش کرتے ہیں۔

عالمی یومِ انسانی حقوق کے حوالے سے سماجی رابطے کی ویب سائٹ ٹوئٹر پر اپنے پیغام میں وزیر اعظم عمران خان نے کہا کہ ہم حضور اکرم ﷺ کے خطبۂ حجۃ الوداع سے رہنمائی حاصل کرتے ہیں جبکہ انسانی حقوق کے حوالے سے قوانین آئینِ پاکستان میں موجود ہیں۔ حکومت تمام شہریوں کے حقوق کا بلا امتیاز دفاع کرنے کے حوالے سے پر عزم ہے۔

مزید پڑھیں: بہادر کشمیریوں کی جدوجہد کو سلام کرتے ہیں۔وزیراعظم