کراچی :پیپلزپارٹی کراچی کے صدر و صوبائی وزیرتعلیم سعید غنی کی جانب سے نیب کو گرفتاری کا چیلنج دینے اور پیر کو نیب میں حاضرہونے کے بیان کے بعد سوشل میڈیا پر وی اسٹینڈ ود سعید غنی ٹوئٹر پر ٹاپ ٹرینڈ بن گیا۔
Brave Son of Pakistan. pic.twitter.com/eftIbJiajp
— Khalid Shaikh PPP (@KhalidShaikhPP) July 3, 2021
گزشتہ روز سندھ کے وزیر تعلیم سعید غنی نے کہا تھا کہ حلیم عادل شیخ کی گرفتاری کے مطالبے پر نیب دھمکیاں دے رہا ہے،نیب میرے خلاف الزامات پر تحقیقات کرے، نیب سے کہتا ہوں کہ مجھے گرفتار کریں، ضمانت نہیں لوں گا۔
ہفتے کوصوبائی وزیرتعلیم سعید غنی نے میڈیا سے بات کرتے ہوئے اعلان کیا کہ وہ پیر کو نیب کراچی کے دفتر جائیں گے ،انہوں نے سوال کیا کہ چیئرمین نیب حلیم عادل شیخ کو گرفتار کیوں نہیں کرتے؟، نام ای سی ایل میں کیوں نہیں ڈالتے، لگتا ہے چیئرمین نیب کی ایک ویڈیو حلیم عادل شیخ کے پاس بھی ہے۔
اگر ضرورت پڑی تو اس لڑائی طور پر بھی لڑوں گا اور نیب کا بتاؤں گا کہ جھوٹے الزامات لگا کر کسی سیاسی کارکن کی کردارکشی کرنا آسان کام نہیں ہے۔ میں شہید بھٹو اور شہید بی بی کا کارکن اور عثمان غنی کا بیٹا ہوں اسکائی لیب کے ذریعے اترا ہوا سیاست دان نہیں ہوں۔ https://t.co/V2VPp6scdY
— Senator Saeed Ghani (@SaeedGhani1) July 4, 2021
سعیدغنی نے کہاکہ چیئرمین نیب حکومت سے بلیک میل ہوتے رہتے ہیں، چیئرمین نیب کے بارے میں بات کرنے پر کبھی کوئی نوٹس جاری نہیں ہوا، خورشید شاہ اور اعجاز جاکھرانی کے ساتھ ظلم و زیادتی ہو رہی ہے، اس ظلم کیخلاف بات کرنے پر کہا گیا میرے خلاف 31 اے کے تحت کارروائی کی جائیگی۔
صوبائی وزیر نے بتایا کہ ایک اور پریس ریلیز میں کہا گیا کہ نیب کراچی میں میرے خلاف کوئی تحقیقات بھی ہو رہی ہیں، مجھے تحقیقات سے کوئی خوف نہیں، کریں تحقیقات،ویسے میں چیئرمین نیب کیخلاف اتنے عرصے سے بات کر رہا ہوں، کبھی تحقیقات31 اے کا ذکر نہیں آیا مگر جیسے ہی حلیم عادل شیخ کیخلاف بیان دیا تو یہ سب ہونے لگا۔
مزید پڑھیں:وزیرِ تعلیم سندھ کا چیلنج قبول، نیب نے سعید غنی کے خلاف تحقیقات شروع کردیں