گوگل نیوز پر ہمیں فالو کریںجنیوا: اقوامِ متحدہ نے عوام کو مخلصانہ مشورہ دیتے ہوئے کہا ہے کہ انٹرنیٹ پر غلط معلومات کی وباء پھیلی ہوئی ہے، آپ کو چاہئے کہ محتاط رہیں۔
سماجی رابطے کی ویب سائٹ ٹوئٹر پر اپنے پیغام میں اقوامِ متحدہ کے جنرل سیکریٹری انتونیو گوتریس نے کہا کہ انٹرنیٹ پر غلط پروپیگنڈے کی وباء ہر گزرتے روز کے ساتھ تیزی سے پھیل رہی ہے جس سے عوامی صحت اور زندگیوں کو خطرات درپیش ہیں۔
اقوامِ متحدہ کے جنرل سیکریٹری نے کہا کہ ہم سب جھوٹی اور نقصان دہ معلومات کے پھیلاؤ کو روکنے کیلئے کچھ نہ کچھ کرسکتے ہیں جس سے برائی کے خلاف جنگ میں مدد ملے جس کیلئے ہمیں کچھ سادہ سفارشات پر عمل کرنا ہوگا جبکہ انتونیو گوتریس نے مذکورہ سفارشات شیئر بھی کیں۔
سفارشات کے مطابق ہر شخص کو انٹرنیٹ پر معلومات شیئر کرنے سے قبل 5 سوالات کا جواب ضرور تلاش کرنا چاہئے۔ پہلا سوال یہ ہے کہ معلومات کس نے دیں؟ دوسرا یہ کہ معلومات کا ذریعہ کیا ہے؟ تیسرا یہ کہ معلومات کہاں سے آئی؟ چوتھا یہ کہ آپ معلومات کو کیوں شیئر کریں؟ جبکہ پانچواں یہ کہ معلومات کب شائع ہوئی؟
An epidemic of misinformation is running rampant online – endangering public health & people’s lives.
We can all do something to help counter the spread of untruthful & harmful information, starting by following these simple recommendations.
Pause and #TakeCareBeforeYouShare. pic.twitter.com/3lts2YFx1U
— António Guterres (@antonioguterres) July 19, 2020
یہ بھی پڑھیں: رواں برس بھوکے افراد کی تعداد میں اضافہ ہوگا۔اقوامِ متحدہ
