جنیوا: اقوامِ متحدہ نے کہا ہے کہ دُنیا بھر کے 69 کروڑ لوگ بھوک اور قحط سالی کا شکار ہیں جبکہ رواں برس کے دوران اِس تعداد میں مزید اضافہ ہوگا۔
سماجی رابطے کی ویب سائٹ ٹوئٹر پر اپنے پیغام میں اقوامِ متحدہ کے جنرل سیکریٹری انتونیو گوتریس نے کہا کہ آج دنیا بھر کے 69 کروڑ لوگ بھوک کا شکار ہیں جو ہمارے سیارے یعنی زمین کی کم و بیش 9 فیصد آبادی بنتی ہے۔
پیغام میں اقوامِ متحدہ کے جنرل سیکریٹری نے کہا کہ رواں برس کے دوران لاک ڈاؤن اور دیگر وجوہات کے باعث مزید افراد غربت اور بھوک کا شکار ہوں گے۔
جنرل سیکریٹری انتونیو گوتریس نے کہا کہ ہمیں خوراک کے نظام کو مزید مستحکم کرنا ہوگا اور صحت بخش خوراک کو سستا کرنا ہوگا تاکہ وہ ہر شخص کو دستیاب ہوسکے۔
690 million people in the world are hungry – almost 9% of the entire population of the planet.
Many more people could slip into hunger this year.
We must make food systems more sustainable and healthy diets affordable & accessible for all. https://t.co/IY9eAFfQiO pic.twitter.com/YSFJruSuKn
— António Guterres (@antonioguterres) July 13, 2020
یہ بھی پڑھیں: کورونا صدی کی بد ترین معاشی تباہی لائے گا۔ اقوامِ متحدہ