وزیر اعظم شہباز شریف پر کتنے مقدمات قائم؟ کون کون سا جرم ثابت ہوگیا؟

سبزہ زار ماورائے عدالت قتل کیس

آج سے کم و بیش 15 سال قبل 2007ء میں شریف خاندان وطن واپس آیا۔ 1998ء میں جب شہباز شریف وزیر اعلیٰ پنجاب تھے تو لاہور کے علاقے سبزہ زار میں ماورائے عدالت قتل کا ایک واقعہ پیش آیا جس کا مقدمہ شہباز شریف کے خلاف درج کیا گیا۔

الزام یہ عائد کیا گیا کہ شہباز شریف نے وزیر اعلیٰ کی حیثیت سے پولیس مقابلے کا حکم دیا اور چند افراد مبینہ پولیس مقابلے میں ماورائے عدالت قتل ہوئے۔ 2003ء میں انسدادِ دہشت گردی عدالت نے شہباز شریف کو نوٹس جاری کردیا۔

حیرت انگیز طور پر 2004 میں شہباز شریف نے عدالت میں پیشی کیلئے پاکستان واپسی کی کوشش کی تاہم انہیں ائیر پورٹ سے واپس روانہ کردیا گیا۔

صاف پانی کرپشن اور آشیانہ ہاؤسنگ 

اکتوبر 2018ء میں ملک کے موجودہ وزیر اعظم شہباز شریف کو قومی احتساب بیورو (نیب) کی ٹیم نے صاف پانی کرپشن اور آشیانہ ہاؤسنگ اسکینڈل کے باعث گرفتار کر لیا۔ پنجاب حکومت کی صاف پانی کمپنی میں مالی بے ضابطگیوں کا الزام تھا۔

پانی اسکینڈل کیس میں نیب حکام کا کہنا تھا کہ شہباز شریف نے من پسند کمپنیوں کو ٹھیکوں سے نوازا۔ سیاسی اثر رسوخ استعمال کیا اور قومی خزانے کو کروڑوں کا نقصان پہنچایا۔ ایسے ہی الزامات آشیانہ ہاؤسنگ کیس میں بھی عائد کیے گئے۔ 

اختیارات سے تجاوز

آشیانہ ہاؤسنگ کیس میں اکتوبر 2018ء میں شہباز شریف کو 10 روزہ جسمانی ریمانڈ پر نیب کے حوالے کردیا گیا۔ کیس میں عائد کیے گئے الزامات کے مطابق شہباز شریف نے پنجاب لینڈ ڈویلپمنٹ کمپنی کے بورڈ آف ڈائریکٹرز کے اختیارات خود رکھ لیے تھے۔

مزید الزامات یہ تھے کہ پی ایل ڈی سی کو غیر قانونی طور پر کہا گیا کہ آشیانہ ہاؤسنگ اسکیم ایل ڈی اے کو دے دی جائے جبکہ ان کے قریبی ساتھی احد چیمہ لاہور ڈویلپمنٹ اتھارٹی کے سربراہ تھے اور شہباز شریف نے وزیر اعلیٰ کے اختیارات کا ناجائز فائدہ اٹھایا۔ 

رمضان شوگر ملز کیس