گوگل نیوز پر ہمیں فالو کریںاسلام آباد: وفاقی وزیر برائے سیفرون و انسدادِ منشیات شہر یار آفریدی نے ن لیگ رہنما رانا ثناء اللہ کو مرد بننے کا مشورہ دیتے ہوئے کہا ہے کہ کیس کا سامنا کریں، ہم آپ کو بھاگنے نہیں دیں گے۔
سماجی رابطے کی ویب سائٹ ٹوئٹر پر گزشتہ روز اپنے پیغام میں وفاقی وزیر شہریار آفریدی نے کہا کہ میں نے قومی اسمبلی میں رانا ثناء اللہ کو چیلنج دیا تھا کہ سچے ہیں تو عدالت میں کیس کا سامنا کریں، انہوں نے کیس کا سامنا نہیں کیا۔
وزیر برائے انسدادِ منشیات شہر یار آفریدی نے کہا کہ رانا ثناء اللہ نے آج پھر بزدلی دکھائی اور عدالت میں ان کے وکیل نے دوبارہ راہِ فرار اختیار کر لی۔ آپ مرد بن کر کیس کا سامنا کریں۔
فیر دوڑ گیا جے
میں نے قومی اسمبلی میں رانا تناء اللہ صاحب کو چیلنج دیا تھا کہ سچے ہو تو عدالت میں کیس کا سامنا کرو مگر انہوں نے پھر بزدلی دکھائی اور آج عدالت میں انکے وکیل نے دوبارہ راہ فرار اختیار کی. رانا صاحب مرد بنو اور کیس کا سامنا کرو. ہم آپکو بھاگنے نہیں دینگے
— Shehryar Afridi (@ShehryarAfridi1) January 18, 2020
یاد رہے کہ اس سے قبل وفاقی وزیر برائے انسدادِ منشیات شہریار آفریدی نے کہا کہ سابق صوبائی وزیر رانا ثناء اللہ کے خلاف ہمارے پاس ثبوت اور گواہ دونوں موجود ہیں، کیس کو لاہور سے راولپنڈی منتقل کیا جانا چاہئے۔
دارالحکومت اسلام آباد میں 19 اکتوبر کو میڈیا نمائندگان سے بات چیت کرتے ہوئے وفاقی وزیر نے کہا کہ راناثناء اللہ کے ذرائع آمدنی ابھی تک معلوم نہیں، نہ ہی ان کے اثاثے کلیئر ہوئے ہیں۔اربوں کہاں سے آئے؟
مزید پڑھیں: رانا ثناء اللہ کے خلاف کیس راولپنڈی منتقل کیا جائے۔شہریارآفریدی
