گوگل نیوز پر ہمیں فالو کریںاسلام آباد: پاکستان تحریک انصاف نے سابق وزیراعظم عمران خان پر قاتلانہ حملے کے خلاف آج ملک گیر احتجاج کا اعلان کیا ہے۔
پی ٹی آئی کے جنرل سیکریٹری اسد عمر نے سماجی رابطے کی ویب سائٹ ٹوئٹر پر اپنے پیغام میں کہا کہ آج نمازِ جمعہ کے بعد ملک بھر میں احتجاج ہوگا۔
آج نماز جمعہ کے بعد تمام ملک میں احتجاج ہو گا. جب تک عمران خان کا مطالبہ پورا نہیں ہوتا، ملک گیر احتجاج جاری رہے گا
— Asad Umar (@Asad_Umar) November 4, 2022
ٹوئٹر پیغام میں اسد عمر نے کہا کہ احتجاج اس وقت تک جاری رہے گا جب تک کہ عمران خان کے مطالبات پورے نہیں ہوجاتے۔
عمران خان پر فائرنگ، وزیراعظم کی زیرِصدارت اتحادی جماعتوں کا اجلاس آج ہوگا
اسد عمر نے گزشتہ روز اپنے ایک بیان میں کہا تھا کہ عمران خان نے وزیراعظم شہبازشریف، وزیرداخلہ رانا ثنا اللہ اور ایک ریاستی ادارے کے افسر کو ذمہ دار قرار دیتے ہوئے تینوں کو عہدے سے ہٹانے کا مطالبہ کیا ہے۔
واضح رہے کہ گوجرانوالہ میں لانگ مارچ کے دوران چیئرمین پی ٹی آئی عمران خان قاتلانہ حملے میں گولی لگنے سے زخمی ہوگئے۔
پولیس کے مطابق گوجرانوالہ میں اللہ والا چوک میں پی ٹی آئی کےاستقبالیہ کیمپ میں فائرنگ کی گئی جس سے علاقے میں خوف و ہراس پھیل گیا اور بھگدڑ مچ گئی جب کہ موقع پر موجود سکیورٹی اہلکاروں نے حملہ آور کو فوری طور پر حراست میں لے لیا۔
اللہ والا چوک پر فائرنگ کے بعد سکیورٹی اہلکار فوری طور پر عمران خان کے پاس پہنچ گئے اور انہیں حصار میں لے کر بلٹ پروف جیکٹ ان کے سامنے کردیے تاہم چیئرمین پی ٹی آئی گولی لگنے سے زخمی ہوئے ہیں۔
