فخر اور صائم ایوب جیسے کھلاڑی ٹیم میں ہونا ضروری ہیں، سلمان بٹ

لاہور: پاکستان کرکٹ ٹیم کے سابق اوپننگ بیٹر سلمان بٹ نے کپتان بابر اعظم اور ٹیم سے متعلق اپنی رائے کا اظہار کرتے ہوئے کہاہے کہ بابر اعظم کی کپتانی اسٹیٹس کو نہیں، ایسا کہنا سیاسی جملہ ہے، بابر اور رضوان ورلڈ نمبر ون اور ٹو ہیں۔

سلمان بٹ نے کہا کہ بابر اور رضوان ٹیم کو کئی میچ جتوا چکے ہیں، اگر دونوں کبھی اسکور نہیں کرتے تو انہیں سپورٹ کرنا ہے اور ریڈ لائن نہیں دکھانی۔

سلمان بٹ نے کہا کہ اسٹرائیک ریٹ کے بجائے کامیابی اور نتائج کو دیکھنا چاہیے۔انہوں نے کہا کہ صائم ایوب نچلے نمبروں پر اچھا کھیلتے ہیں، وہ کنٹرولڈ بیٹنگ کرتے ہیں اور جہاں مارتے ہیں شاٹ وہیں جاتا ہے۔

مزید پڑھیں:عماد وسیم نے بابر اعظم کو دنیا کا بہترین کھلاڑی قرار دے دیا

سلمان بٹ نے کہا کہ فخر زمان پہلے 6 اوورز کے بعد بہتر اسٹرائیک ریٹ کے ساتھ کھیلتے ہیں، فخر اور صائم ایوب جیسے کھلاڑی ٹیم میں ہونا ضروری ہے۔