گوگل نیوز پر ہمیں فالو کریںبرلن: وزیرِ خارجہ شاہ محمود قریشی نے کہا ہے کہ پاکستان کے 1 لاکھ سے زائد شہری جرمن معیشت کیلئے اپنا کردار ادا کر رہے ہیں۔
سماجی رابطے کی ویب سائٹ ٹوئٹر پر اپنے پیغام میں وزیرِ خارجہ شاہ محمود قریشی نے کہا کہ جرمنی میں پاکستان کے 1 لاکھ سے زائد شہری بستے ہیں جو جرمن معیشت اور معاشرے کیلئے مثبت کردار ادا کر رہے ہیں۔
پیغام میں وزیرِ خارجہ شاہ محمود قریشی نے کہا کہ مجھے ایک دلچسپ اتفاق کے ذریعے ایسے ہی کچھ پاکستانیوں سے ملاقات کا موقع ملا جبکہ اسی طرح آذربائیجان کے ایک نوجوان سے بھی ملاقات ہوئی۔
وزیرِ خارجہ شاہ محمود قریشی نے کہا کہ آذربائیجان کے نوجوان نے وطنِ عزیز کی طرف سے آذربائیجان کی حمایت پر پاکستان کے کردار کی تعریف کی۔ پاکستانی شہری جرمنی میں بھی وطن کا نام روشن کر رہے ہیں۔
Germany is home to over 100,000 members of 🇵🇰 diaspora, positively contributing to German economy & society. Pleased to meet some such members for a candid encounter. Equally happy to meet a young boy from Azerbaijan who appreciated Pakistan’s unflinching support to Azerbaijan. pic.twitter.com/y8Lb6rw6hx
— Shah Mahmood Qureshi (@SMQureshiPTI) April 13, 2021
یاد رہے کہ اِس سے قبل وزیر خارجہ مخدوم شاہ محمود قریشی کی برلن میں جرمن پارلیمان کے صدر وولف گانگ شوئبلے سے ملاقات ہوئی جس کے دوران جرمنی میں تعینات پاکستانی سفیر ڈاکٹر محمد فیصل بھی وزیر خارجہ کے ہمراہ تھے۔
گزشتہ روز کی گئی ملاقات کے دوران دو طرفہ تعلقات،پالیمان کی سطح پر روابط کے فروغ سمیت باہمی دلچسپی کے امور پر تبادلۂ خیال کیا گیا۔ وزیر خارجہ نے پرتپاک خیر مقدم پر صدر جرمن پارلیمان کا شکریہ ادا کیا۔
مزید پڑھیں: وزیر خارجہ کی جرمن پارلیمان کے صدر وولف گانگ شوئبلے سے ملاقات
