گوگل نیوز پر ہمیں فالو کریںسرگودھا: پاکستان مسلم لیگ ن کی نائب صدر اور سابق وزیراعظم نواز شریف کی صاحبزادی مریم نواز نے جمعرات کو اپنی پارٹی کو مشورہ دیا ہے کہ وہ حکومت چھوڑ دیں اور عمران خان کی طرف سے چھوڑی گئی ’گندگی‘ کا بوجھ اپنے کندھے پر اٹھانے کے بجائے نئے انتخابات میں حصہ لیں۔
جمعرات کو سرگودھا میں ایک عوامی اجتماع سے خطاب کرتے ہوئے مریم نے کہا کہ ان کی تجویز سے لوگ حیران ہوسکتے ہیں کہ مسلم لیگ (ن) نے حکومت میں صرف ایک ماہ حصہ کیوں لیا؟
انہوں نے یہ کہہ کر جواب دیا کہ عمران خان نے اگلے انتخابات میں دھاندلی کر کے دس سال حکومت کرنے کا منصوبہ بنایا تھا اور مسلم لیگ ن نے اقتدار سنبھال کر ان منصوبوں کو ناکام بنا دیا۔
مریم نواز نے اپنے حامیوں سے سوال کیا کہ کیا ن لیگ عمران خان کی ناکامی کا بوجھ اپنے کندھوں پر ڈالے یا حکومت چھوڑ دے اور پھر کہا کہ میں آپ کے ساتھ ہوں۔ میں کہتی ہوں کہ ایک ایسی حکومت جو عوام کو مہنگائی میں کچل رہی ہے، اسے الوداع کہنا بہتر ہے۔
مجھے بتائیں کہ اگر نواز شریف آپ کی خاطر حکومت چھوڑ دیتے ہیں تو کیا آپ انہیں دو تہائی اکثریت دیں گے تاکہ ملک کو درست سمت میں لے جا سکیں؟
انہوں نے اس حقیقت پر افسوس کا اظہار کیا کہ موجودہ حکومت کو مشکل معاشی فیصلے کرنے پڑ سکتے ہیں جس سے مہنگائی میں اضافہ ہوگا۔ مریم نواز نے کہا کہ پاکستانی عوام اپنے مسائل کے حل کے لیے نواز شریف کی پاکستان واپسی کا مطالبہ کر رہے ہیں۔
انہوں نے کہا کہ نواز شریف نے اپنی حکومت (2013-2017) میں ملک کے سیکیورٹی اداروں کے ساتھ مل کر کام کرکے پاکستان میں امن بحال کیا اور لوڈشیڈنگ کا خاتمہ کیا۔
انہوں نے کہا کہ عمران خان نے اپنے ساڑھے تین سالہ دور حکومت میں معیشت کو تباہ کیا۔
مریم نواز نے عمران خان پر ‘غیر ملکی سازش’ کے بارے میں جھوٹ گھڑنے کا الزام لگایا اور انہیں یاد دلایا کہ وہ اپنے ’35 پنکچر ڈرامے’ کے بارے میں ثبوت پیش کرنے میں ناکام رہے ہیں۔
انہوں نے دعویٰ کیا کہ عمران خان کا اپنی جان کو لاحق خطرات کا بیان بھی جھوٹ تھا۔مسلم لیگ ن کی رہنما نے عمران خان کو ”جھوٹا“ قرار دیتے ہوئے ان کے حامیوں کو ”جھوٹا، جھوٹا“ کا نعرہ لگایا۔
مزید پڑھیں:پی ٹی آئی نے حمزہ شہباز کے خلاف لاہور ہائیکورٹ میں درخواست دائر کردی
