سوشل میڈیا پر روسی صدر ولادی میر پیوٹن کی ایک تصویر کو ڈیجیٹل طور پر تبدیل کیا گیا ہے جس میں مبینہ طور پر روسی صدر سابق پاکستانی وزیر اعظم عمران خان کی سوانح عمری پڑھتے ہوئے دکھائی دے رہے ہیں۔ لیکن تصویر پر کام کیا گیا ہے۔
6 جنوری کو، ایک تصدیق شدہ اکاؤنٹ نے ٹویٹر پر ایک تصویر پوسٹ کی جس کے عنوان پر درج تھا کہ ”دنیا عمران خان کو پڑھتی ہے،” اکاؤنٹ نے ٹویٹ کیا، ”ہم بہت خوش قسمت ہیں کہ عمران خان جیسا لیڈر ملا۔”
عمران خان کو دنیا پڑھتی ہے اور ہم بہت خوش نصیب ہیں کہ ہمیں عمران خان جیسا لیڈر ملا
شکر الحمداللہ رب العالمین pic.twitter.com/oVebHLkav6— ماہ نور ملک (@Mahnoor2662) January 6, 2023
پیوٹن کے پاس عمران خان کی لکھی ہوئی سوانح عمری ہے، جس کا عنوان ہے، ”پاکستان: اے پرسنل ہسٹری“، جو 2011 میں شائع ہوئی تھی۔
تصویر میں پیوٹن کے ساتھ میز پر ایک اور کتاب پڑی ہوئی دیکھی جا سکتی ہے، جو خان کی سوانح عمری ہے، جسے بی جے صادق نے 2017 میں لکھا تھا، جس کا عنوان تھا، ”لیٹ دیئر بی جسٹس: دی پولیٹیکل جرنی آف عمران خان”۔
اس ٹویٹ کو اب تک 99,000 بار دیکھا جا چکا ہے اور اسے 4,997 لائکس مل چکے ہیں۔
21 فروری کو، ایک اور ٹویٹر اکاؤنٹ نے متن کے ساتھ وہی تصویر پوسٹ کی: ”روسی صدر پیوٹن عمران خان کی لکھی گئی کتاب کا مطالعہ کر رہے ہیں۔”
ایسے شخص کا فالوور ہوں جس کو دنیا ملنے سے پہلے اسکی کتابیں پڑھتی ہے❤
روسی صدر پیوٹن مرشد 🔥 عمران خان کی لکھی ہوئی کتاب کا مطالعہ کرتے ہوئے ❣️ pic.twitter.com/Kgs2xdxMky— Robinson Aziz Francis (@RobinsonAzizPTI) February 21, 2022
حقیقت
روسی صدر ولادیمیر پیوٹن کی تصویر 14 جون 2016 کو ماسکو میں لی گئی تھی جس میں انہیں عمران خان کے بارے میں نہیں بلکہ روس کے بارے میں کتابیں پڑھتے ہوئے دیکھا جا سکتا ہے۔
گوگل پر ایک ریورس امیج سرچ سے پتہ چلتا ہے کہ 2016 میں پوٹن نے رشین اکیڈمی آف سائنسز کا دورہ کیا، جہاں انہیں دو کتابیں پیش کی گئیں۔ ایک کتاب روسی تہذیب کی ترقی کے بارے میں تھی اور دوسری آبادی میں اضافے کے نظریہ کے بارے میں۔ تصویر میں دونوں کو دیکھا جا سکتا ہے۔
اس دن کی تصاویر روسی صدر کی سرکاری ویب سائٹ پر بھی پوسٹ کی گئیں۔