ادویات کی قیمتوں میں ہوشربا اضافہ، غریب کیلئے علاج کروانا بھی مشکل ہوگیا

اسلام آباد: ملک میں ادویات کی قیمتوں میں اضافے کے باعث غریب کے لیے علاج کروانا بھی مشکل ہوگیا۔

مہنگائی کے باعث ہر روز اشیائے خوردونوش کی قیمتوں میں اضافے کے ساتھ ساتھ ادویات کی قیمتیں بھی آسمان سے باتیں کر رہی ہیں، پین کلر کا جوپتا 20 روپے میں ملتا تھا وہ اب بڑھ کر 60 سے 70 روپے تک پہنچ گیا ہے۔

اسی طرح نزلہ، زکام، کھانسی سمیت شوگر، بلڈ پریشر اور دیگربیماریوں کی ادویات کی قیمتوں میں 30 سے 40 فیصد کا اضافہ ہو چکا ہے جس کے باعث بیمار آدمی کے لیے ادویات کی خریداری بھی مشکل ہوچکی ہے۔

یہ بھی پڑھیں:

رمضان سے قبل مہنگائی کا نیا طوفان، فی کلو کھجور کی قیمت میں 450 روپے کا اضافہ

میڈیکل اسٹور اونرز کے مطابق ادویہ ساز کمپنیاں ڈالر کی بڑھتی قیمتوں اور ٹیکسز میں اضافے کا جواز بتا کر قیمتوں میں اضافہ کر دیتی ہیں۔

دوسری جانب شہریوں کا کہنا ہے کہ حکومت مہنگائی کو روکنے اور قیمتوں میں استحکام پیدا کرنے کے ساتھ ادویات کی قیمتوں پر سبسڈی دینے کے اقدامات اٹھائے تاکہ غریب آدمی کم سے کم پیسوں میں اپنا علاج کروا سکے۔