گوگل نیوز پر ہمیں فالو کریںمنڈی بہاءالدین کے تھانہ میانہ گوندل کی حدود میں ایک لڑکی کے ساتھ مبینہ اجتماعی زیادتی کے بعد اس کی ہلاکت کا افسوسناک واقعہ سامنے آیا ہے۔ پولیس نے متاثرہ لڑکی کے والد کی مدعیت میں پانچ ملزمان کے خلاف مقدمہ درج کرکے تحقیقات کا آغاز کر دیا ہے۔
ایف آئی آر کے مطابق متاثرہ لڑکی گھر پر اکیلی موجود تھی کہ مبینہ طور پر پانچ افراد اسے زبردستی ایک ڈیرے پر لے گئے، جہاں اس کے ساتھ اجتماعی زیادتی کی گئی۔ اہلِ خانہ کے مطابق اس واقعے سے دلبرداشتہ ہو کر لڑکی نے زہریلی چیز کھا لی۔
رپورٹس کے مطابق متاثرہ لڑکی کو تشویشناک حالت میں اسپتال منتقل کیا گیا، تاہم وہ دورانِ علاج دم توڑ گئی۔
پولیس کا کہنا ہے کہ مقدمہ درج کر لیا گیا ہے اور واقعے کے تمام پہلوؤں سے تحقیقات کی جا رہی ہیں۔ حکام کے مطابق حقائق تفتیش مکمل ہونے کے بعد سامنے آئیں گے، جبکہ ملزمان کی گرفتاری کے لیے کارروائی جاری ہے۔
قانون نافذ کرنے والے اداروں نے کہا ہے کہ شواہد، طبی معائنے اور دیگر قانونی تقاضوں کی روشنی میں کیس کو آگے بڑھایا جائے گا اور تحقیقات کے نتائج کے مطابق کارروائی عمل میں لائی جائے گی۔
