کراچی: گورنر سندھ عمران اسماعیل نے کشمور میں 4 سالہ بچی اور ماں سے اجتماعی زیادتی کا نوٹس لیتے ہوئے مجرموں کو سخت سے سخت سزا دینے کے عزم کا اظہار کیا ہے۔
سماجی رابطے کی ویب سائٹ ٹوئٹر پر اپنے پیغام میں گورنر سندھ عمران اسماعیل نے کہا کہ مجرموں نے ایک خاتون اور اس کی 4 سالہ بچی کو 2 ہفتوں تک مسلسل اجتماعی زیادتی کا نشانہ بنایا جو انتہائی بیمار ذہنیت کی عکاسی ہے۔
پیغام میں گورنر سندھ عمران اسماعیل نے کہا کہ میں کشمور کے اس اجتماعی زیادتی کیس کی خود نگرانی کر رہا ہوں تاکہ مجرموں کو سخت سے سخت سزا دی جائے اور میری کوشش یہ بھی ہے کہ خوف و دہشت کا شکار بچی کو بہترین طبی امداد مہیا کی جائے۔
SAMAA – Men gang-rape woman, four-year-old daughter in Kashmore for 2 weeks. This is totally sickening, I am flowing the case to ensure strictest punishment for the criminals and trying to see child gets best medical treatment and post-trauma care also https://t.co/FEjepjSuxx
— Imran Ismail (@ImranIsmailPTI) November 12, 2020
یاد رہے کہ اِس سے قبل سندھ کے ضلع کشمور میں کراچی کی رہائشی خاتون اور اسکی چار سالہ بچی کو اغواء کرکے اجتماعی زیادتی کا نشانہ بنایا گیا، بچی کی حالت تشویشناک تھی جبکہ 1 ملزم کو گرفتار کیا گیا۔
پولیس کے مطابق رفیق ملک نامی شخص کوگزشتہ روز کشمور میں ایک خاتون اور اس کی 4 سالہ بیٹی کو اغوا ء کرکے اجتماعی زیادتی کے الزام میں گرفتار کیا گیا۔
مزید پڑھیں: ماں اور 4 سالہ بچی سے کئی روز تک اجتماعی زیادتی، ملزم گرفتار