گوگل نیوز پر ہمیں فالو کریںاسلام آباد: وفاقی وزیر برائے سائنس و ٹیکنالوجی فواد چوہدری نے کہا ہے کہ سابق وزیرِ اعظم اور ن لیگ کے تاحیات قائد میاں نواز شریف کی جعلی میڈیکل رپورٹس بنانے والوں کو نشانِ عبرت بنا دینا چاہئے۔
سماجی رابطے کی ویب سائٹ ٹوئٹر پر اپنے پیغام میں وزیرِ سائنس و ٹیکنالوجی فواد چوہدری نے کہا کہ نواز شریف کی واپسی کیلئے برطانوی حکومت سے رابطہ اور میڈیکل رپورٹس کی انکوائری درست فیصلے ہیں۔
پیغام میں وفاقی وزیر فواد چوہدری نے کہا کہ نواز شریف کی لندن روانگی نے پاکستان تحریکِ انصاف کے بیانیے اور احتساب کے عمل کو شدید دھچکا پہنچایا، رپورٹس کی تیاری میں جن کا کردار ہے، انہیں نشانِ عبرت بنانا چاہئے۔
نواز شریف کی واپسی کیلئے برطانوی حکومت سے رابطہ اور میڈیکل رپورٹس کی انکوائری درست فیصلے ہیں، تحریک انصاف کے بیانئے اور احتساب کے عمل کو نواز شریف کی لندن روانگی نے شدید دھچکہ دیا ، جعلی رپورٹس کی تیاری میں جن لوگوں کا کردار ہے ان کو نشان عبرت بنانا چاہئے
— Ch Fawad Hussain (@fawadchaudhry) August 22, 2020
یاد رہے کہ اِس سے قبل وفاقی وزیرِ سائنس و ٹیکنالوجی فواد چوہدری نے مطالبہ کیا کہ برطانوی حکومت سابق وزیرِ اعظم اور مسلم لیگ (ن) کے تاحیات قائد نواز شریف اور بانئ متحدہ الطاف حسین کو حکومتِ پاکستان کے حوالے کرے۔
ٹوئٹر پر گزشتہ ماہ اپنے پیغام میں وزیرِ سائنس و ٹیکنالوجی فواد چوہدری نے کہا کہ برطانیہ کی حکومت سے مطالبہ کرتا ہوں کہ نواز شریف اور الطاف حسین کو پاکستان کے حوالے کردے کیونکہ دونوں ملزمان پاکستان کو مطلوب ہیں۔
مزید پڑھیں: برطانیہ نواز شریف اور بانئ متحدہ کو ہمارے حوالے کرے۔فواد چوہدری
