اسلام آباد: اداکارحمزہ علی عباسی نے خدا سے متعلق لکھی جانے والی اپنی کتاب کا پہلا مسودہ مکمل کرلیا۔
سماجی رابطوں کی سائٹ ٹوئٹر پر اپنے فالوورز کے ساتھ یہ خبر شیئر کرنے والے حمزہ نے لکھا کہ تمام شکرگزاری صرف خدا کی ذات کیلئے ہے۔
1st rough draft of the book done Alhamdulillah, All Gratitude is for God only.
— Hamza Ali Abbasi (@iamhamzaabbasi) March 8, 2021
حمزہ کی ٹویٹ کے جواب میں ان کے ایک مداح نے پُرمزاح انداز میں پنجابی زبان میں لکھا ” مجھے کتاب چاہیے، اگر آپ نے پبلک کیلئے مفت نہ کی تو پھردیکھیے گا”۔
جواب میں حمزہ نے ہنستے ہوئے یقین دہانی کروائی کہ انشاء اللہ مفت ہی ہو گی۔
حمزہ نے گزشتہ سال دسمبر 2020 میں اپنی ٹویٹ میں بتایا تھا کہ وہ ایک کتاب لکھ رہے ہیں جو آئندہ برس منظرعام پر آجائے گی۔
یہ بھی پڑھیں : اسامہ بن لادن پر بننے والی ڈرامہ سیریل ’ القاهرة كابول ‘ کا پوسٹر جاری
اداکار نے اپنے فالوورز کو یہ بھی بتایا تھا کہ کتاب لکھنے کے باعث سوشل میڈیا پر زیادہ متحرک نہیں ہوں گے، اور پُرامید ہیں کہ ان کی کتاب جون 2021 تک منظرعام پرآجائے گی۔
In the process of writing a book….obviously it,ll be about God 🙂 …hoping to be done by June 2021 Insha Allah. Will be a little inactive on social media bcz of that.
— Hamza Ali Abbasi (@iamhamzaabbasi) December 1, 2020