چھاچھرو، 5 فٹ کی چمگادڑوں سے عوام میں خوف و ہراس پھیل گیا

چھاچھرو:سندھ کے قحط سالی کے شکار ضلع تھرپارکر کے شہر چھاچھرو کے مختلف علاقوں میں بڑی بڑی چمگادڑوں کے ڈیرے، 4 سے 5 فٹ بڑی چمگادڑوں سے علاقے کے عوام میں خوف و ہراس پھیل گیا ہے۔

شہریوں کے مطابق چھاچھرو شہر کے مختلف علاقوں میں بڑی اور خوفناک چمگادڑیں درختوں اور دیگر جگہوں پر لٹکی ہوئی ہیں۔ان چمگادڑوں کے منہ کتے سے مشابہ اور بڑے ہیں۔

جبکہ شہریوں نے اپنی مدد آپ کے تحت فائرنگ کر کے متعدد چمگادڑوں کو مار ڈالا ہے۔فائرنگ کی آوازیں سن کر درجنوں چمگادڑیں ڈر کر ویرانوں کی جانب نکل گئی ہیں۔

دوسری جانب بڑی بڑی چمگادڑوں کو دیکھ کر چھاچھرو کے عوام میں خوف و ہراس پھیل گیا ہے اور چمگادڑوں کے خو ف کے باعث لوگوں کی جانب سے راتوں کو پہرے دیئے جارہے ہیں۔